II Ho 26:1 - Sơ̆p Hlabơar Nơ̆r 'Bok Kei-Dei

¹ Đĭ-đăng kon pơlei Juđa pôk Usia pơm pơtao pơgơ̆r pơtrơp 'bă sư Amasia, sư 'nao lăp mơjĭt-tơdrâu sơnăm.

II Ho 26:1 ပူးပေါင်းရင်းမြစ်များ

II Pot 14:1

Lăm sơnăm mă 'bar, chăl Jêhôas, kon drŏ-nglo Jêhôahas, pơtao đe Isơrael pơgơ̆r, na Amasia, kon drŏ-nglo Jôas pơtao đe Juđa, tŏk pơm pơtao.

II Pot 14:21

Đĭ-đăng kon Pơlei Juđa iŏk Asaria 'nao mơjĭt-tơdrâu sơnăm pôk pơm pơtao pơtrơp kơ Amasia, 'bă sư.

I Ho 3:12

kon drŏ-nglo Jôas noh Amasia, kon drŏ-nglo Amasia noh Asaria,

II Ho 22:1

Lu kon pơlei oei lăm Jêrusalem pôk Ahasia kon adruch Jêhôram, pơm pơtao đe Juđa pơtrơp 'bă sư yua kơ khŭl linh hơdai hăm linh Arâp mơ̆t blah lăm kơđông linh sư, na pơlôch đĭ lu kon drŏ-nglo 'nhŏng kơ sư, thoi noh Ahasia kon drŏ-nglo hơdruch Jêhôram iung pơm pơtao đe Juđa.

II Ho 25:28

Đe chơ ba akâu sư hăm aseh, 'bŭ sư lăm Pơlei Đawit lăm char Juđa hơdai lu 'bok sư.

II Ho 26:2

Đơ̆ng rŏng kơ 'bă sư lôch pơdơh wih hơdai lu 'bok sư, sư pơjing ming pơlei Êlat wă tơwih ăn kơ char Juđa.

II Ho 33:25

Na lu kon pơlei kư̆m rôp pơlôch hloi lu bơngai pơlôch pơtao Ammôn; na pôk hloi Jôsia, kon drŏ-nglo sư pơm pơtao pơtrơp sư.

Êsai 1:1

Êsai kon drŏ-nglo Amôt đei Kră Yang tơ'bôh kơ sư gah teh đak Juđa păng pơlei Jêrusalem, lăm chăl Usia, Jôtham, Ahas păng Hesekia lu pơtao teh đak Juđa.

Hôsia 1:1

Đei nơ̆r Kră Yang khan kơ Hôsia, kon drŏ-nglo Bêri, lăm chăl Usia Jôtham Ahas, Hesekia, lu pơtao đe Juđa. Lăm chăl Jêrôbôam, kon drŏ-nglo Jôas pơm pơtao đe Isơrael.

Am 1:1

Nơ̆r Amôs bơngai wei triu oei tơ pơlei Thekoa; noh nơ̆r mă Kră Yang đei tơ'bôh tơblang ăn kơ sư gah lu bơngai Isơrael 'bar sơnăm adrol kơ teh tơdrŏ. Noh lăm chăl Usia pơm pơtao đe Juđa păng lăm chăl Jêrôbôam, kon drŏ-nglo Jêhôas, pơm pơtao đe Isơrael.