II Ho 25:2 - Sơ̆p Hlabơar Nơ̆r 'Bok Kei-Dei

² Sư bơngai pơm 'lơ̆ng 'bơ̆t anăp Kră Yang, mă-lei ưh kơ đĭ jơhngơ̆m.

II Ho 25:2 ပူးပေါင်းရင်းမြစ်များ

II Pot 14:4

Mă-lei, sư ưh kơ teng hŭt lê̆ hnam kơkuh kơ yang tơ anih kơjung, kon pơlei oei nŏng kơ soi sơmah păng soh 'long 'bâu phu 'bơ̆t hnam kơkuh kơ yang tơ anih kơjung ei đĕch.

II Ho 24:2

Jôas pơm tơdrong 'lơ̆ng tơpăt 'bơ̆t anăp Kră Yang lăm đĭ sơnăm Jêhôiada pơm 'bok soi.

II Ho 25:14

Kơplah Amasia brŏk đơ̆ng tơblah bơngai Eđôm, sư chĕp ba rup yang lu bơngai Sêir pơm yang sư kơdih, kơkuh păng pơyơ̆r tơmam soi kơ rup yang noh.

II Ho 25:3

Wă sư pơgơ̆r dêh char sư kơjăp, sư pơlôch đĭ lu bơngai yŏng mă đêl pơlôch 'bă sư.

II Ho 26:4

Sư pơm tơdrong 'lơ̆ng tơpăt 'bơ̆t anăp Kră Yang, rok thoi 'bă sư Amasia đei pơm boih.

Horiso 78:37

Jơhngơ̆m lu sư ưh kơjăp păng Kră Yang. Lu sư kư̆m ưh kơ tơpăt lăm tơdrong pơgơ̆p Kră Yang 'Bok Kei-Dei tơtă.

Êsai 29:13

Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.

Hôsia 10:2

Jơhngơ̆m lu sư jing tơklah 'bar, na dang ei lu sư gô pŭ tơdrong pơmat yua kơ tơdrong yoch lu sư Kră Yang gô teh tơlơ̆ lê̆ chơnang soi, păng gô pơrăm lê̆ rup yang lu sư.

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

I Sam 16:7

Mă-lei Kră Yang khan kơ Samuel; 'Nĕ kơ lăng akâu rŏ hơbŏ tih bơngai noh, Inh ưh kơ iŏk sư. Inh ưh kơ lăng kiơ thoi kon bơngai lăng, kon bơngai lăng gah 'nguaih; mă-lei Kră Yang lăng 'bôh lăm jơhngơ̆m.