II Ho 24:7 - Sơ̆p Hlabơar Nơ̆r 'Bok Kei-Dei

⁷ Đơ̆ng lu kon drŏ-nglo Athalia yă pơm kơnê̆ dêh noh, teh 'măng mơ̆t tơtông lăm hnam Kră Yang 'Bok Kei-Dei lu sư kư̆m iŏk đĭ tơmam rơgoh đơ̆ng Hnam Kră Yang pơyơ̆r ăn kơ yang Baal.

II Ho 24:7 ပူးပေါင်းရင်းမြစ်များ

II Pot 11:1

Lăp yă Athalia, mĕ pơtao Ahasia 'bôh kon drŏ-nglo sư lôch bơih, sư iung blah hloi, pơlôch đĭ-đăng adrĕch pơtao.

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Ho 21:17

Lu sư wang blah iŏk char Juđa, blah iŏk đĭ hloi mŭk tơmam lăm hnam pơtao, rôp ba pơm bơnă đĭ lu kon drŏ-nglo lu akăn sư, oei lê̆ pă minh 'nu kon hơdruch sư Ahasia.

II Ho 22:3

Sư kư̆m pơm kiơ̆ trong Ahap; yua kơ mĕ sư pơhlŭ sư pơm tơdrong kơnê̆.

II Ho 24:4

Đơ̆ng rŏng kơ noh, Jôas wă pơdơ̆ng ming Hnam Kră Yang.

Esther 7:6

Esther tơl: Minh 'nu bơngai ayăt kơnê̆ noh jơ̆ Haman! Kơplah noh Haman hli dêh 'bơ̆t anăp pơtao păng yă pơtao Esther.

Tơdrông Pơđơk 10:7

Tơdrong 'blŏk kơ lu bơngai tơpăt noh pŭn hiôk, Mă-lei anăn lu bơngai kơnê̆ ôm hach.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Hôsia 2:10

Inh gô pơdah tơdrong mơlâu sư, 'bơ̆t anăp lu pơyô sư, păng ưh kơ đei bu dŏng pơklaih sư đơ̆ng ti Inh.

Hôsia 2:13

Inh gô phak sư yua kơ lu năr mă sư soh pơyơ̆r 'long 'bâu phu kơ rup yang Baal, sư pơguăng đoh maih tơ đon 'bot kong păng dôm tơmam gĭt na năm kiơ̆ pơyô sư, na sư hiơt boih kơ Inh!” Kră Yang khan thoi noh.

II Tes 2:8

Lăp Kră Yang Yêsu Krist jur đơ̆ng plĕnh ning-mônh, Sư yua tơdrong mơsêh mơyang Sư pơrăm bơngai kơnê̆ ei. Hăm 'bơ̆r Sư dơhlu hơyuh, na bơngai pơm kơnê̆ ei lôch hloi.

Tơdrông Tơ'bôh 2:20

Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal