II Ho 24:6 - Sơ̆p Hlabơar Nơ̆r 'Bok Kei-Dei

⁶ Pơtao krao Jêhôiada 'bok soi tơm păng khan: “Yua kơ kiơ ih ưh kơ pơkă kơ lu bơngai Lêwi chĕp ba jên lu bơngai Juđa păng lu bơngai oei lăm pơlei Jêrusalem ra ăn kiơ̆ kơ Môis đĭch đam Kră Yang 'Bok Kei-Dei mă đei pơkă boih hăm lu kon pơlei Isơrael athei pơyơ̆r ăn kơ Bơsŭn Roi Tơbăt?”

II Ho 24:6 ပူးပေါင်းရင်းမြစ်များ

II Sam 24:3

Jôap tơl: “Apinh Kră Yang 'Bok Kei-Dei ih, ăn kơ ih đei minh khŭl linh tơpôl lơ hloh kơ hrĕng wơ̆t khŭl linh mă đei dang ei. Apinh ăn kơ măt ih kơdih yŏng tơ'ngla inh gơh 'bôh tơdrong noh. Mă-lei liơ pơtao yŏng tơ'ngla inh 'maih pơm tơdrong 'nâu?”

II Ho 24:9

Đơ̆ng noh năm roi tơbăt tơ jơ̆p lăm char Juđa păng pơlei Jêrusalem rim 'nu athei năm pơyơ̆r jên ăn kơ Kră Yang kiơ̆ thoi Môis đĭch đam Kră Yang 'Bok Kei-Dei đei pơkă ăn boih kơ lu bơngai Isơrael tơ lăm tơmăn glă.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 18:2

Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.