II Ho 24:21 - Sơ̆p Hlabơar Nơ̆r 'Bok Kei-Dei

²¹ Lu sư hil plơ̆ kơ Sachari, kiơ̆ đơ̆ng pơtao athei klơ̆m pơlôch hăm tơmo 'bơ̆t cham Hnam Kră Yang.

II Ho 24:21 ပူးပေါင်းရင်းမြစ်များ

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Mathiơ 21:35

Mă-lei lu bơngai jang mơng rôp lu đĭch đam sư, mơ'nah sư tôn teh, mơ'nah sư pơlôch, mơ'nah sư klơ̆m păng tơmo.

Je 18:18

Na lu sư khan: “Năm bĕ, chă đon blah Jêrêmi. Yua kơ bơ̆n oei đei 'bok soi bơtho khôi juăt oei đei lu bơngai hơgei, chă pơđâu, oei đei lu bơngai khan lê̆ adrol bơtho nơ̆r Kră Yang kơ lu bơ̆n. Bĕ bơ̆n chă sư pơma glăi păng 'nĕ pă mơ̆ng nơ̆r sư pơma kiơ kiơ.”

Je 11:19

Gah inh, thoi minh pôm kon triu rơmơ̆n đe ba wă pơlôch, inh ưh kơ băt lu sư pơđâu wă pơlôch inh, khan: “Pơrăm bĕ đơ̆ng tơm truh tơ plei sư. Kăl klơ̆m hŭt lê̆ sư đơ̆ng teh đak lu bơngai arih, Wă kơ huay pă đei bu 'blŏk kơ anăn sư dơ̆ng.”

Luka 11:51

đơ̆ng Kain pơlôch Abel truh lu 'bok iĕm pơlôch Sachari tơ hnam 'Bok Kei-Dei tơm, yua kơ dôm lu bơngai mă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Hêbrơ 11:37

Lu mơ'nah đe klơ̆m sư păng tơmo, mơ'nah đe ot kơtĕch akâu sư păng juơ, mơ'nah đe koh pơlôch păng đao. Lu mơ'nah jơ̆l kơ dơnuh hin chă hrŭk hrăi ao pơm păng akar triu, akar bơbe. Lu sư dơnuh tơpă mă-lei đe oei areh kơ lu sư, pơm kơnê̆ kơ lu sư 'mơ̆i.

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

Je 20:2

Phashur rôp teh tôn Jêrêmi bơngai khan lê̆ adrol, hơnuh lê̆ jơ̆ng sư 'bơ̆t 'Măng Jang kơpal Bênjamin gah hnam akŭm Kră Yang.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Je 26:21

Pơtao Jêhôiakim, đĭ-đăng yŏng linh păng lu kră pơgơ̆r đei kơtơ̆ng nơ̆r Uri boih, pơtao wă pơlôch sư; mă-lei Uri kơtơ̆ng, hli dêh na kơdâu ôn tơ char Êyiptơ.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Horiso 94:21

Lu sư pơđâu băl wă pơm kơnê̆ kơ lu bơngai tơpăt. Păng sek pơlôch lu bơngai ưh kơ đei yoch.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.