II Ho 24:20 - Sơ̆p Hlabơar Nơ̆r 'Bok Kei-Dei

²⁰ Yang Bơhngol 'lơ̆ng đơ̆ng Kră Yang 'Bok Kei-Dei pơdrŭt Sachari, kon drŏ-nglo Jêhôiada 'bok soi, sư iung dơ̆ng 'bơ̆t anăp lu kon pơlei na khan: “Kră Yang 'Bok Kei-Dei khan thoi âu: ‘Yua kơ kiơ lu iĕm ưh kơ kiơ̆ nơ̆r Kră Yang tơtă? Thoi noh lu iĕm ưh kơ đei pŭn hiôk ôh. Yua kơ lu iĕm achăng lê̆ Kră Yang boih păng Sư kư̆m achăng lê̆ lu iĕm.’ ”

II Ho 24:20 ပူးပေါင်းရင်းမြစ်များ

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 12:5

Sêmaia 'bok khan lê̆ adrol năm tơ Rêhôbôam păng lu bơngai pơgơ̆r char Juđa oei akŭm lăm pơlei Jêrusalem wă kơdâu ôn hli kơ Sisăk păng khan: Kră Yang khan thoi âu: “Lu iĕm achăng lê̆ Inh, lei na Inh kư̆m achăng lê̆ lu iĕm lăm ti Sisăk,”

II Ho 20:14

Kơplah noh, Yang Bơhngol 'lơ̆ng Kră Yang jur mơ̆t lăm Jahasiêl, kon drŏ-nglo Sachari, sâu Bênaia, sâu i Jêiêl, sâu ach Matania, bơngai Lêwi adrĕch adrung Asap; sư dơ̆ng tŏk-bŏk lu bơngai tơpôl oei akŭm.

II Ho 23:11

Jêhôiada hăm lu kon drŏ-nglo Sư chông kon pơtao lĕch, pơyơ̆l ăn kơ sư môk pơtao păng ăn kơ sư sơ̆p hla bơar khôi juăt, na pôk sư pơm pơtao; sư tuh đak rơmă tơ kơ̆l Jôas păng khan: “Pơtao arih ling-lang!”

II Ho 24:24

Khŭl linh Siri năm blah lăp tŏ sĕt đĕch ră, mă-lei Kră Yang jao boih lu linh lơ noh lăm ti lu sư, yua kơ lu bơngai Juđa achăng lê̆ Kră Yang 'Bok Kei-Dei 'bok lu sư. Na lu sư rôp sek tơlang Jôas.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

II Ho 29:8

Thoi ei na Kră Yang hil mĭl kơ lu bơngai Juđa păng kon pơlei Jêrusalem, Sư pơm ăn kơ đe hli tơrơ păng ăn kơ đe hiĕk ăr, thoi lu iĕm đei 'bôh tơm măt boih.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 26:2

Kră Yang khan: “Ih athei dơ̆ng 'bơ̆t cham hnam Kră Yang, roi tơbăt ăn kơ đĭ-đăng bơngai đơ̆ng lu pơlei Juđa năm kơkuh kơ Kră Yang tơ hnam akŭm; roi tôm nơ̆r Inh đei roi tơbăt kơ ih, ih 'nĕ kơ hŭt lê̆ minh nơ̆r ayơ.

Je 4:18

“Tơdrong iĕm oei arih sa păng iĕm đei pơm; ba tơdrong noh. 'Nâu đei truh kơ ih pơmat tơpă. Đơ̆ng tơdrong yoch kơnê̆ ih pơm! Tơdrong noh 'bet jĭ jơhngơ̆m iĕm.”

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’

Je 5:25

Tơdrong kơnê̆ lu iĕm pơm boih kơ lu iĕm pă đei tơdrong âu; Tơdrong yoch lu iĕm găn boih tơdrong pŭn hiôk 'mi prăng truh tơ lu iĕm.

Am 5:10

Lu sư areh kơ lu bơngai ngăl chrih kơ lu sư tơ 'măng jang pơlei păng ưh kơ iă kơ lu bơngai pơma tơpăt.

Jo 14:41

Mă-lei Môis khan: Liơ lu iĕm pơm pơhloh kơ nơ̆r Kră Yang tơtă? Tơdrong noh ưh kơ gơh ôh.

Mathiơ 23:35

Lu bơngai 'lơ̆ng lôch yua kơ lu bơngai thoi iĕm âu lơ boih tơpă, đơ̆ng Kain pơlôch Abel blŭng-a sơ̆ truh tơ iĕm pơlôch Sachari kon 'bok Barachi tơ hnam 'Bok Kei-Dei tơm.

Luka 11:51

đơ̆ng Kain pơlôch Abel truh lu 'bok iĕm pơlôch Sachari tơ hnam 'Bok Kei-Dei tơm, yua kơ dôm lu bơngai mă 'bok iĕm pơlôch noh 'Bok Kei-Dei kư̆m wă phak iĕm hơgop hăm lu sư mơ̆n.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Lu 6:34

Yang Bơhngol 'lơ̆ng Kră Yang truh oei hơdai Giđêôn; sư hlôm keng krao lu bơngai Abierit akŭm băl kiơ̆ sư.