II Ho 24:16 - Sơ̆p Hlabơar Nơ̆r 'Bok Kei-Dei

¹⁶ Đe 'bŭ sư hơdai hăm lu pơtao lăm Pơlei Đawit, yua kơ sư jang 'lơ̆ng tơgŭm lu bơngai Isơrael, bơ̆jang kơ Kră Yang 'Bok Kei-Dei păng đei pơdơ̆ng hơmet ming hnam akŭm Tơm Sư.

II Ho 24:16 ပူးပေါင်းရင်းမြစ်များ

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

II Pot 12:7

Na Jôas krao hloi 'bok soi Jêhôiada păng lu 'bok soi nai, na jet: “Liơ iĕm ưh kơ chă hơmet ming Hnam akŭm dơ̆ng? Đơ̆ng âu tơ anăp, 'nĕ pă chă iŏk jên đơ̆ng lu bơngai mă pơyơ̆r 'noh dơ̆ng, mă-lei athei lê̆ jên noh wă hơmet ming Hnam akŭm.”

II Ho 21:2

Sư đei lu oh sư, kon drŏ-nglo Jêhôsaphat noh Asaria, Jêhiêl, Secharia, Asariahu, Michael păng Sêphatia; đĭ-đăng lu đe noh kon drŏ-nglo Jêhôsaphat pơtao Isơrael.

II Ho 21:20

Sư pơm pơtao kơplah sư 'nao pêng-jĭt 'bar sơnăm sư pơgơ̆r đei tơhngam sơnăm lăm pơlei tih Jêrusalem; sư lôch ưh kơ đei bu 'mêm kơ sư, đe 'bŭ sư lăm Pơlei Đawit, mă-lei ưh kơ đei 'bŭ hơdai lăm bơsat lu pơtao ôh.

II Ho 24:15

Jêhôiada đĭ kră sơnăm đĭ lơ, sư arih đei minh-hrĕng pêng-jĭt sơnăm na Sư lôch.

II Ho 24:17

Đơ̆ng rŏng kơ Jêhôiada lôch boih, lu yŏng pơgơ̆r bơngai Juđa năm kơkuh pơtơm pơtao. Na pơtao lui kiơ̆ nơ̆r lu sư pơhlŭ.

II Ho 31:20

Tơ jơ̆p lăm char Juđa, Hesekia pơm thoi noh, sư pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei lu sư.

Ne 13:14

'Blŏk bĕ kơ inh ơ! Kră Yang 'Bok Kei-Dei inh, yua kơ tơdrong 'nâu apinh Ih 'nĕ kơ sŭt lê̆ dôm tơdrong jang 'lơ̆ng mă inh đei bơ̆jang yua kơ hnam Kră Yang 'Bok Kei-Dei inh păng kơ tơdrong jang Sư.

Markôs 6:29

Lăp lu bơngai pơhrăm păng Yôhan kơtơ̆ng thoi noh, lu sư năm iŏk akâu sư tung 'bŭ tơ bơsat.

Jang 2:29

Pêtrôs oei pơma: “Ơ 'nhŏng oh, inh wă pơma kơ iĕm mă nhên gah Đawit 'bok kơdră bơ̆n sơ̆. Đawit lôch boih. Klaih kơ noh đe 'bŭ sư. Bơsat sư tơ Pơlei Jêrusalem kư̆m oei khơ̆ dang ei mơ̆n.

Hêbrơ 6:10

'Bok Kei-Dei Sư tơpăt dêh, Sư ưh kơ hiơt ôh dôm tơdrong jang iĕm mă sơ̆ mă dang ei, tơdrong iĕm 'mêm mơnat dih băl, tơdrong iĕm tơgŭm băl tơduă kon 'Bok Kei-Dei, yua kơ iĕm băt 'mêm kơ Sư.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.