II Ho 24:14 - Sơ̆p Hlabơar Nơ̆r 'Bok Kei-Dei

¹⁴ Đang kơ lu sư pơm keh boih lu sư năm ba lu jên mă rơkah noh kơ pơtao păng Jêhôiada; lu sư yua lu jên noh pơm tơmam wă yua lăm Hnam Kră Yang, thoi wă pơyơ̆r tơmam soi 'buh, lu pơnhan chhĕr păng lu tơmam đe pơm păng hu maih. Đĭ lăm chăl Jêhôiada đe năm pơyơ̆r tơmam soi lăm Hnam Kră Yang ling-lang.

II Ho 24:14 ပူးပေါင်းရင်းမြစ်များ

I Pot 7:50

Dôm lu pơnhan, săng, kăt brai ŭnh kơđeng, kơthao, grang tơmam mă mong tơnuh păng grang mong ngar sư pơm păng maih, dôm lu gơwŏk 'măng, sư pơm kơ lu 'măng lăm anih Rơgoh Hloh, hăm 'măng Hnam akŭm, sư kư̆m pơm hăm maih ngăl.

II Pot 25:12

Mă-lei yŏng linh lê̆ doh oei pă pôm lu bơngai dơnuh hin ngei ngei lăm char wă kơ lu sư pơtăm 'long hơmu păng jang chŭn mir.

II Pot 25:15

Yŏng linh kư̆m iŏk ba lu ge wă soh tơmam 'bâu phu, pơnhan mong đak rơmă 'bâu phu kơthao păng dôm lu tơmam pơm hăm hu maih,

I Ho 23:31

păng mưh wă pơyơ̆r tơmam soi 'buh kơ Kră Yang lăm năr Sa'bat, năr Khei Tơ'bang păng năr pơm giĕng tih, kiơ̆ kơ đei hơgăt hơdôm 'nu athei ling-lang dơ̆ng 'bơ̆t anăp Kră Yang.

II Ho 2:3

Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

II Ho 24:13

Lu bơngai wei-lăng bơ̆jang, pơtơm bơ̆jang, Tơdrong jang rai 'lơ̆ng đơ̆ng lu sư pơm hơmet. Lu Sư hơmet ming hnam Kră Yang kiơ̆ thoi so păng pơm ming kơjăp hloh.

II Ho 24:15

Jêhôiada đĭ kră sơnăm đĭ lơ, sư arih đei minh-hrĕng pêng-jĭt sơnăm na Sư lôch.

II Ho 31:2

Hesekia klah asong lu 'bok soi păng lu bơngai Lêwi, kiơ̆ kơ khŭl tơdrong jang lu sư, wă pơyơ̆r tơmam soi 'buh păng tơmam soi pơyơ̆r kơ 'blŏk bơnê, wă kơkuh bơnê păng hơri ư-ang tơ anih lu 'măng jang cham Hnam Kră Yang.

Le 36:5

Na lu sư năm khan kơ Môis, lu kon pơlei pơla ăn tơmam lơ dêh rơkah rơkai lơ hloh kơ tơdrong jang wă yua, kiơ̆ thoi Kră Yang pơkă athei pơm.

Tơdrông Pơđơk 27:22

Mă ih iŏk hơdrei peh hrol lu bơngai kơhlôh kơwao lăm tơpăl, hăm 'ba. Tơdrong kơhlôh kơwao sư oei ưh kơ tơkloh đơ̆ng sư ôh.