II Ho 24:12 - Sơ̆p Hlabơar Nơ̆r 'Bok Kei-Dei

¹² Pơtao păng Jêhôiada jao jên noh ăn kơ lu bơngai wei-lăng bơ̆jang lăm Hnam Kră Yang; lu sư apah lu bơngai jang man păng lu bơngai ot 'long, wă pơdơ̆ng ming Hnam Kră Yang; păng wă apah lu bơngai hơjơ̆m bơsei păng kong wă hơmet ming Hnam Kră Yang.

II Ho 24:12 ပူးပေါင်းရင်းမြစ်များ

II Sam 5:11

Hiram pơtao pơlei Tirơ, wơh bơngai năm tơ Đawit, chĕp ba 'long hơngo, chông ba thơ̆ jang 'long, thơ̆ teh tơmo wă man hnam pơtao kơ Đawit.

I Pot 5:15

Pơtao Sôlômôn đei tơpơh-jĭt rơbâu 'nu bơngai tung tôi, păng tơhngam-rơbâu 'nu bơngai teh tơmo kơpal kông.

II Ho 24:11

Rim wơ̆t lu bơngai Lêwi tung tơmơ̆t hom, na năm ba ăn kơ lu bơngai yŏng bơ̆jang kơ pơtao, lu Sư 'bôh jên 'bĕnh, bơngai chih hla bơar lăm hnam pơtao păng lu bơngai bơ̆jang kơ 'bok soi tơm năm tuh jên đơ̆ng lăm hom noh, đơ̆ng noh năm dan 'măn lê̆ 'bơ̆t anih đêl dơ̆ng. Rim năr lu sư pơm thoi noh, na đei ra pơpôi jên lơ tơpă.

II Ho 24:13

Lu bơngai wei-lăng bơ̆jang, pơtơm bơ̆jang, Tơdrong jang rai 'lơ̆ng đơ̆ng lu sư pơm hơmet. Lu Sư hơmet ming hnam Kră Yang kiơ̆ thoi so păng pơm ming kơjăp hloh.

II Ho 24:27

Roi tơdrong lu kon drŏ-nglo sư, đei nơ̆r khan lê̆ adrol gah sư păng roi kơ tơdrong wă kơ pơm hơmet ming hnam Kră Yang, đei chih răk lăm sơ̆p hla bơar hơ'mon lu pơtao. Amasia kon drŏ-nglo sư pơgơ̆r pơtrơp đơ̆ng sư.

II Ho 34:8

Lăm sơnăm mă mơjĭt-tơhngam chăl sư pơgơ̆r, đang kơ sư hơmet tơring char păng hnam akŭm rơgoh boih, na sư wơh Saphan kon drŏ-nglo Asalia, Maaseia bơngai pơgơ̆r pơlei tih păng Jôa kon drŏ-nglo Jêhôahas bơngai chih răk dôm tơdrong truh, wă pơm pơdơ̆ng ming Hnam Kră Yang 'Bok Kei-Dei sư.