II Ho 24:11 - Sơ̆p Hlabơar Nơ̆r 'Bok Kei-Dei

¹¹ Rim wơ̆t lu bơngai Lêwi tung tơmơ̆t hom, na năm ba ăn kơ lu bơngai yŏng bơ̆jang kơ pơtao, lu Sư 'bôh jên 'bĕnh, bơngai chih hla bơar lăm hnam pơtao păng lu bơngai bơ̆jang kơ 'bok soi tơm năm tuh jên đơ̆ng lăm hom noh, đơ̆ng noh năm dan 'măn lê̆ 'bơ̆t anih đêl dơ̆ng. Rim năr lu sư pơm thoi noh, na đei ra pơpôi jên lơ tơpă.

II Ho 24:11 ပူးပေါင်းရင်းမြစ်များ

II Ho 24:10

Đĭ-đăng lu yŏng pơgơ̆r păng lu kon pơlei chơt hiôk năm pơyơ̆r ba jên tah lăm hom noh mah 'bĕnh.

II Ho 24:12

Pơtao păng Jêhôiada jao jên noh ăn kơ lu bơngai wei-lăng bơ̆jang lăm Hnam Kră Yang; lu sư apah lu bơngai jang man păng lu bơngai ot 'long, wă pơdơ̆ng ming Hnam Kră Yang; păng wă apah lu bơngai hơjơ̆m bơsei păng kong wă hơmet ming Hnam Kră Yang.

I Kor 16:2

Rim năr mônh, rim 'nu kơ iĕm pơyơ̆r jên kơdih kơdih, kiơ̆ kơ jơhngơ̆m iĕm wă păng kiơ̆ kơ tơmam iĕm đei. Thoi noh lăp inh truh tơ iĕm, na iĕm pơyơ̆r tôm boih, huay pă kăl pơyơ̆r dơ̆ng.