II Ho 23:7 - Sơ̆p Hlabơar Nơ̆r 'Bok Kei-Dei

⁷ Lu bơngai Lêwi dơ̆ng tăp dăr kơ pơtao, rim 'nu chĕp khêl đao; bơngai bu mơ̆t lăm hnam Kră Yang gô pơlôch; lu iĕm athei bơwei pơtao mă sư mơ̆t dah sư lĕch.”

II Ho 23:7 ပူးပေါင်းရင်းမြစ်များ

II Ho 23:6

'Nĕ ăn kơ minh 'nu bu mơ̆t lăm hnam Kră Yang ôh 'nguaih kơ lu 'bok soi păng lu bơngai Lêwi mă awih awăn; lu sư gô mơ̆t, yua kơ lu sư 'lơ̆ng rơgoh; đĭ-đăng kon pơlei athei wei răk nơ̆r Kră Yang tơtă.

II Ho 23:8

Lu bơngai Lêwi păng đĭ-đăng lu kon pơlei bơngai Juđa pơm kiơ̆ nơ̆r Jêhôiada 'bok soi đei athei tơtă; rim 'nu lu sư athei pơkeh rim tơdrong jang năr Sa'bat hơdai hăm lu bơngai mă oei wă mơ̆t jang lăm năr Sa'bat, yua kơ Jêhôiada 'bok soi ưh kơ ăn kơ minh 'nu bu pơdơh.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Jo 3:10

Thoi noh, ih gô pôk Arôn păng lu kon drŏ-nglo sư, wă pơm 'bok soi; lu bơngai tơmoi nai năm jê̆ đe gô pơlôch.

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.