II Ho 23:3 - Sơ̆p Hlabơar Nơ̆r 'Bok Kei-Dei

³ Đĭ khŭl akŭm lu sư pơm tơdrong pơgơ̆p hăm pơtao lăm hnam Kră Yang 'Bok Kei-Dei. Jêhôiada pơma hăm lu sư: “'Nâu kon drŏ-nglo pơtao sư gô pơgơ̆r kiơ̆ thoi nơ̆r Kră Yang đei khan lê̆ gah kon sâu Đawit.

II Ho 23:3 ပူးပေါင်းရင်းမြစ်များ

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Sam 7:12

Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 9:5

lei Inh gô ăn kơ ih hơ-oei kơpal tang-dŏ pơtao pơgơ̆r lu bơngai Isơrael kơjăp ling-lang kiơ̆ thoi Inh đei pơkă hăm Đawit 'bă ih: “Ih ưh kơ kơ'bah kơ bơngai hơ-oei kơpal tang-dŏ pơtao pơgơ̆r lu bơngai Isơrael.”

II Pot 11:17

Jêhôiada pơjing tơdrong pơgơ̆p pơkă hơlam Kră Yang hăm pơtao păng kon pơlei wă kơ lu sư jing kon pơlei Kră Yang. Sư kư̆m pơjing tơdrong pơgơ̆p pơtao hăm kon pơlei mơ̆n.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Ho 23:16

Jêhôiada pơgơ̆p hăm lu kon pơlei păng pơtao, wă kơ lu sư jing kon pơlei pơla Kră Yang.

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

II Ho 7:18

na Inh gô ăn kơ dêh char pơtao Ih pran kơjăp thoi nơ̆r Inh pơkă pơgơ̆p hăm 'bă ih, Đawit thoi âu: Lăm adrĕch Isơrael ưh kơ'bah bơngai pơgơ̆r Isơrael.

Horiso 89:29

Inh gô ăn kơ adrĕch adrung sư kơjăp ling-lang. Păng tang-dŏ pơtao sư oei sot jơnoi thoi năr tơ plĕnh.

Horiso 89:36

Adrĕch adrung sư oei oei ling-lang, Tang-dŏ pơtao sư gô sot thoi măt 'năr 'bơ̆t anăp Inh.