II Ho 21:7 - Sơ̆p Hlabơar Nơ̆r 'Bok Kei-Dei

⁷ Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Ho 21:7 ပူးပေါင်းရင်းမြစ်များ

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

I Pot 11:13

Mă-lei Inh ưh kơ hek asong pơđĭ hloi ôh; mă-lei Inh gô 'măn lê̆ minh adrĕch adrung ăn kơ sư yua kơ Đawit đĭch đam Inh păng yua kơ pơlei Jêrusalem, pơlei mă Inh đei rơih.”

I Pot 11:36

Inh gô ăn minh adrĕch adrung kơ kon drŏ-nglo sư wă kơ Đawit đĭch đam Inh oei đei minh pôm ŭnh kơđeng ling-lang 'bơ̆t anăp Inh, lăm pơlei Jêrusalem, pơlei mă Inh rơih iŏk wă 'măn Anăn Inh lăm noh.

I Pot 15:4

Mă-lei yua kơ Đawit, na Kră Yang 'Bok Kei-Dei ăn kơ sư minh pôm ŭnh kơđeng lăm pơlei Jêrusalem, ăn kơ kon drŏ-nglo sư pơgơ̆r pơtrơp sư, pơm ăn kơ pơlei Jêrusalem oei kơjăp,

II Pot 8:19

Mă-lei, Kră Yang mơnat yua kơ Đawit đĭch đam sư, na sư ưh kơ wă pơlôch pơrăm lê̆ adrĕch adrung Juđa ôh, yua kơ Sư pơkă wă 'măn minh pôm ŭnh kơđeng ăn kơ Đawit păng adrĕch adrung sư ling-lang khŏm khŏm.

II Pot 8:24

Jêhôram lôch, brŏk pơdơh tơ yă 'bok sư, đe 'bŭ hơdai hăm yă 'bok sư tơ Pơlei Đawit. Đơ̆ng noh, Ahasia kon drŏ-nglo sư pơtrơp đêl anih sư.

II Ho 22:11

Mă-lei Jêhôseba, kon adruh pơtao Jêhôram, rôp ôn lê̆ Jôas, kon drŏ-nglo Ahasia đơ̆ng tŏk-bŏk lu kon drŏ-nglo pơtao mă đe wă pơlôch đĭ na ôn lê̆ sư lăm anih tep hơdai hăm drŏ-kăn rong sư. Thoi noh Jêhôseba, kon drŏ-kăn pơtao Jêhôram, akăn 'bok soi Jêhôiada yua kơ sư oh drŏ-kăn Ahasia, ôn lê̆ Jôas đơ̆ng Athalia, lei na Athalia ưh kơ gơh pơlôch;

II Ho 23:3

Đĭ khŭl akŭm lu sư pơm tơdrong pơgơ̆p hăm pơtao lăm hnam Kră Yang 'Bok Kei-Dei. Jêhôiada pơma hăm lu sư: “'Nâu kon drŏ-nglo pơtao sư gô pơgơ̆r kiơ̆ thoi nơ̆r Kră Yang đei khan lê̆ gah kon sâu Đawit.

II Ho 6:16

Dang ei, ơ Kră Yang 'Bok Kei-Dei Isơrael răk bĕ nơ̆r Ih đei pơkă boih hăm 'bă inh, Đawit đĭch đam Ih, thoi âu: “'Bơ̆t anăp Inh ưh kơ đei khăi ôh kơ bơngai pơtrơp pơm pơtao pơgơ̆r lu bơngai Isơrael tơdah kon sâu ih mă pơ'lơ̆ng trong lu sư yak, wei răk khôi juăt Inh, thoi ih đei pơm boih 'bơ̆t anăp Inh.”

Horiso 132:11

Kră Yang đei pơkă pơkăm boih hăm Đawit. Sư ưh kơ đei sơngah dơ̆ng: “Inh gô pôk hơtŏk tơ tang-dŏ pơtao Ih. Minh 'nu kon drŏ-nglo lĕch đơ̆ng akâu akar Ih.

Horiso 89:39

Ih lăng krưp dêh boih kơ tơdrong pơgơ̆p hăm lu đĭch đam Ih. Ih hŭt lê̆ boih môk pơtao tơ teh rơpŭk 'mê̆-'mach.

Luka 1:69

Sư ăn kơ bơ̆n minh 'nu 'Bok Dŏng Pơklaih mă đei tôm tơdrong mơsêh mơyang. 'Bok 'noh Kon Sâu Đawit mă đĭch đam 'Bok Kei-Dei.