II Ho 21:2 - Sơ̆p Hlabơar Nơ̆r 'Bok Kei-Dei

² Sư đei lu oh sư, kon drŏ-nglo Jêhôsaphat noh Asaria, Jêhiêl, Secharia, Asariahu, Michael păng Sêphatia; đĭ-đăng lu đe noh kon drŏ-nglo Jêhôsaphat pơtao Isơrael.

II Ho 21:2 ပူးပေါင်းရင်းမြစ်များ

II Ho 12:6

Kră pơgơ̆r bơngai Isơrael păng pơtao lu sư tơjur akâu tơbral păng khan: “Kră Yang 'lơ̆ng tơpăt.”

II Ho 21:4

Kơplah Jêhôram tŏk pơm pơtao pơtrơp đơ̆ng 'bă sư, wă sư pran kơjăp boih sư iŏk đao gưm pơlôch đĭ lu oh sư hăm lu yŏng pơgơ̆r Isơrael.

II Ho 23:2

Lu sư chă năm jơ̆p kơ dêh char Juđa lu sư akŭm lu bơngai Lêwi păng lu yŏng kơdră adrĕch bơngai Isơrael đơ̆ng jơ̆p pơlei lăm char Jut; na lu sư năm tơ pơlei Jêrusalem.

II Ho 24:16

Đe 'bŭ sư hơdai hăm lu pơtao lăm Pơlei Đawit, yua kơ sư jang 'lơ̆ng tơgŭm lu bơngai Isơrael, bơ̆jang kơ Kră Yang 'Bok Kei-Dei păng đei pơdơ̆ng hơmet ming hnam akŭm Tơm Sư.

II Ho 24:5

Sư krao akŭm lu 'bok soi păng lu bơngai Lêwi, na khan: “Năm tơ jơ̆p-jang kơ pơlei Juđa bĕ, ra pơpôi jên kăk đơ̆ng lu bơngai Isơrael 'măn rim sơnăm wă hơmet ming Hnam Kră Yang 'Bok Kei-Dei lu iĕm; pơm bĕ tơdrong 'nâu mă kuăng.” Mă-lei lu bơngai Lêwi pơhiơ̆ dêh.

II Ho 28:19

Yua kơ đơ̆ng Ahas, pơtao đe Isơrael,a na Kră Yang tơhuŏng lu bơngai Juđa, yua kơ Ahas pơm kơnê̆ lăm Juđa, ưh kơ chu Kră Yang.

II Ho 28:23

Sư kơkuh pơyơ̆r tơmam soi ăn kơ lu yang pơlei Đamas, kon pơlei mă blah sư; sư tơchĕng khan: “Yua kơ lu yang pơtao Asiri dŏng tơgŭm lu sư boih, na inh gô soi sơmah kơ lu yang noh, wă kơ lu yang noh kư̆m dŏng tơgŭm inh.” Mă tơpă lu yang noh rai pơrăm sư păng lu bơngai Isơrael.

II Ho 28:27

Ahas lôch oei hơdai pơdơh hăm lu 'bok sư păng đe 'bŭ sư lăm pơlei Jêrusalem; mă-lei ưh kơ đei 'bŭ tah hơdai hăm bơsat lu pơtao Isơrael. Hesekia kon drŏ-nglo sư pơm pơtao pơgơ̆r pơtrơp sư.

II Ho 33:18

Dôm lu tơdrong jang nai Manase, nơ̆r sư krao apinh Kră Yang 'Bok Kei-Dei, lu nơ̆r 'bok khan lê̆ adrol hăm anăn Kră Yang 'Bok Kei-Dei Isơrael khan kơ pơtao chih răk lê̆ lăm sơ̆p hla bơar lu pơtao Isơrael.

II Ho 35:18

Đơ̆ng chăl Samuel 'bok khan lê̆ adrol, lăm bơngai Isơrael đe ưh tam đei pơm giĕng Năm Brih tih thoi noh; păng kư̆m ưh kơ đei pơtao ayơ lăm Isơrael mă pơm 'blŏk hơdơ̆r năr giĕng Năm Brih thoi pơtao Jôsia, hăm lu 'bok soi bơngai Lêwi, đĭ kon pơlei Juđa păng Isơrael mă đei tơ noh păng kon pơlei đơ̆ng Jêrusalem đei pơm noh.