II Ho 21:16 - Sơ̆p Hlabơar Nơ̆r 'Bok Kei-Dei

¹⁶ Kră Yang kư̆m pơm ăn jơhngơ̆m lu bơngai Philistin păng kon pơlei Arâp mă oei jê̆ kon pơlei Êthiôpi, iung blah Jêhôram.

II Ho 21:16 ပူးပေါင်းရင်းမြစ်များ

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

I Pot 11:14

Kră Yang atŏk minh 'nu bơngai ayăt tơblah hăm Sôlômôn, 'noh Hađat bơngai Eđôm; sư bơngai adrĕch adrung pơtao Eđôm.

I Pot 11:23

Kră Yang 'Bok Kei-Dei ăn minh 'nu ayăt hăm sư, bơngai nai dơ̆ng anăn sư Rêson kon drŏ-nglo Êliađa, kơdâu klĕnh đơ̆ng yŏng sư Hadadêser pơtao char Sôba.

II Ho 17:11

Lu bơngai Philistin chĕp jên hu tơmam năm ba pơyơ̆r ăn kơ Jêhôsaphat, lu bơngai Arâp kư̆m lei-lăi năm ba pơyơ̆r ăn tơpơh-rơbâu tơpơh-hrĕng tŏ triu tơno păng tơpơh-rơbâu tơpơh-hrĕng tŏ bơbe tơno.

II Ho 22:1

Lu kon pơlei oei lăm Jêrusalem pôk Ahasia kon adruch Jêhôram, pơm pơtao đe Juđa pơtrơp 'bă sư yua kơ khŭl linh hơdai hăm linh Arâp mơ̆t blah lăm kơđông linh sư, na pơlôch đĭ lu kon drŏ-nglo 'nhŏng kơ sư, thoi noh Ahasia kon drŏ-nglo hơdruch Jêhôram iung pơm pơtao đe Juđa.

II Ho 26:7

Kră Yang 'Bok Kei-Dei tơgŭm sư kĕ jei blah lu kon pơlei Philistin, bơngai Arâp oei tơ lăm pơlei Gur Baal, klaih kơ noh lu bơngai Mêunit.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 1:5

Kơplah noh, lu kơdră adrĕch Juđa păng Bênjamin, lu 'bok soi păng bơngai Lêwi, đĭ-đăng dôm lu đe bu mă Kră Yang 'Bok Kei-Dei đei pơtrŭt lăm jơhngơ̆m lu sư wă, năm pơjing hnam akŭm Kră Yang tơ pơlei Jêrusalem.

Jôel 3:5

yua kơ lu iĕm đei iŏk boih hu păng maih Inh, chĕp ba boih dôm tơmam gĭt đơ̆ng Inh na tah tơ lăm hnam yang lu iĕm.

Am 1:6

Kră Yang khan: Yua kơ đơ̆ng kon pơlei Gasa rai pơm yoch pơm yoch kơnê̆ hloh kơ adrol, na Inh ưh kơ lê̆ ôh wă phak lu sư; yua kơ lu sư rôp ba đĭ-đăng kon pơlei năm pơm bơnă păng jao lu sư kơ bơngai Eđôm,

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.