II Ho 21:10 - Sơ̆p Hlabơar Nơ̆r 'Bok Kei-Dei

¹⁰ Lei na bơngai Eđôm iung blah Juđa dĭng truh dang ei. Kŭm lăm kơplah noh kon pơlei Lipna kư̆m iung blah Jêhôram dơ̆ng, yua kơ sư achăng lê̆ Kră Yang 'Bok Kei-Dei lu 'bok sư.

II Ho 21:10 ပူးပေါင်းရင်းမြစ်များ

I Pot 11:31

Đơ̆ng noh sư khan kơ Jêrôbôam: “Iŏk bĕ kơ ih mơjĭt hlak, Kră Yang 'Bok Kei-Dei Isơrael đei khan: 'Nâu, Inh gô iŏk hek lê̆ dêh char 'nâu đơ̆ng ti Sôlômôn, gô ăn kơ ih mơjĭt adrĕch adrung.

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

II Pot 19:8

Lăp Rapsaka kơtơ̆ng khan yŏng tơ'ngla sư kơdâu weh bơih đơ̆ng Lakis. Sư brŏk tơ rŏng, 'bôh pơtao Asiri oei wang blah Pơlei Lipna;

II Ho 13:10

Gah lu nhôn, Kră Yang 'Bok Kei-Dei lu bơ̆n, lu nhôn ưh kơ đei achăng lê̆ Sư; lu 'bok soi bơ̆jang kơ Kră Yang tă kơ kon sâu Arôn păng lu bơngai Lêwi bơ̆jang tơdrong jang lu sư.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 21:11

Sư kư̆m pơm ming lu anih kơjung tơ kơpal groi char Juđa, pơhlŭ pơtơm kon pơlei mă oei lăm pơlei tih Jêrusalem pơm kơnê̆ oei sa kư̆ kă pơm kơ Juđa wơ̆l jrok.

II Ho 21:8

Lăm chăl Jêhôram pơgơ̆r, char Eđôm iung blah lu bơngai Juđa păng pôk pơtao kơdih lu sư.

II Ho 21:9

Jêhôram hăm lu yŏng pơgơ̆r linh păng lu gre aseh sư, năm blah Eđôm mă-lei linh Eđôm đĭ wang tăp kơ sư păng lu linh hao gre aseh sư mă-lei lu sư iung kơdâu lĕch hlôi kơmăng.

II Ho 28:6

lăm minh năr Pêka kon drŏ-nglo Rêmalia, đei pơlôch minh-hrĕng 'bar-jĭt rơbâu 'nu linh bơngai Juđa, tă kơ lu linh mă nuih kơtang ngăl, yua kơ lu sư achăng lê̆ Kră Yang 'Bok Kei-Dei 'bok lu sư.

Êsai 1:28

Mă-lei lu bơngai blơ̆ blĕch păng lu bơngai yoch lu sư gô lôch hiong lu đe bu mă achăng tŭk Kră Yang lu sư gô hiong răm.

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Both 32:21

Lu sư tơblĕk Inh dêh yua kơ lu sư kơkuh kơ yang nai ưh kơ yua kiơ. Pơm kơ inh hil gar hăm yang mă ưh kơ đei tơdrong anăn kiơ. Na inh gô pơm kơ lu sư 'ngeng kơ lu adrĕch mă răm hloh. Iŏk minh adrĕch adrung mă lŭch hloh tơblĕk lu sư. Iŏk minh teh đak kơhlôh kơwao na tơblĕk pơklai lu sư.

Jôsuê 10:29

Jôsuê hăm đĭ-đăng lu linh Isơrael đơ̆ng pơlei Makkêđa năm tơblah hăm pơlei Lipna.

Jôsuê 21:13

Teh ăn kơ lu kon sâu Arôn 'bok soi tơm pơlei Hêbrôn, jing pơlei ôn kơ'nơp kơ lu bơngai mă pơlôch đe hơch 'bơm. Lipna;

Lu 10:13

Mă-lei lu iĕm oei achăng lê̆ Inh, kơkuh kơ lu yang nai yua kơ noh na Inh ưh pă wă dŏng pơklaih lu iĕm dơ̆ng.