II Ho 20:8 - Sơ̆p Hlabơar Nơ̆r 'Bok Kei-Dei

⁸ Lu sư oei lăm dêh char 'nâu păng pơdơ̆ng pơjing hnam akŭm 'lơ̆ng rơgoh kơ Anăn Ih păng khan:

II Ho 20:8 ပူးပေါင်းရင်းမြစ်များ

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

II Ho 20:7

Ơ Kră Yang 'Bok Kei-Dei lu nhôn Hăm trŏ Ih boih pơpuh tơweh lu kon pơlei oei lăm tơring âu 'bơ̆t anăp bơngai Isơrael Ih, na jao ăn dêh char kơ adrĕch adrung Abraham, buăl juăt Ih, oei jang sa tơ âu ling-lang hlŏng hloi?

II Ho 20:9

‘Dah đei tơdrong kơnê̆ truh kơ lu nhôn, đao gưm, phak pơmat, dah lôch hơbuh, pơngot rơwĕt, lu nhôn gô năm dơng 'bơ̆t anăp hnam 'nâu, na lu nhôn krao apinh Ih lăm năr pơmat-tat, Ih mơ̆ng păng dŏng pơklaih nhôn.’

II Ho 6:10

“Kră Yang pơsĭt pơkeh boih đêl nơ̆r Sư pơkă, ăn kơ inh wă pơtrơp ioi Đawit, 'bă inh, pơm pơtao pơgơ̆r bơngai Isơrael, thoi nơ̆r Kră Yang đei pơkă, na inh tơiung pơdơ̆ng pơm boih hnam ăn kơ Anăn Kră Yang 'Bok Kei-Dei bơngai Isơrael,

II Ho 6:5

‘Đơ̆ng năr Inh chông tơlĕch kon pơlei pơla inh đơ̆ng dêh char Êyiptơ, Inh ưh tam mă đei rơih iŏk ôh pơlei ayơ đơ̆ng lăm lu adrĕch Isơrael wă pơm hnam kơ Anăn Inh tơ noh păng Inh kư̆m tam mă đei rơih bu pơm pơtao pơgơ̆r lu bơngai Isơrael Inh;

II Ho 6:6

Mă-lei Inh đei rơih boih Jêrusalem, wă kơ Anăn Inh tơ noh păng rơih Đawit wă pơgơ̆r kon pơlei pơla Inh Isơrael.’ ”

Jôsuê 21:43

Thoi noh boih Kră Yang ăn kơ adrĕch Isơrael đĭ char mă Kră Yang pơkă boih kơ adrĕch adrung lu 'bok sư. Kon pơlei Isơrael iŏk klah asong bơ̆jang sa mir 'ba păng oei tơ lăm char noh.