II Ho 20:6 - Sơ̆p Hlabơar Nơ̆r 'Bok Kei-Dei

⁶ Sư krao khan: “Ơ Kră Yang 'Bok Kei-Dei 'bok lu nhôn Ih hăm Kră Yang 'Bok Kei-Dei oei kơpal plĕnh? Ih boih Kră Yang 'Bok Kei-Dei wei pơgơ̆r đĭ kon bơngai păng đĭ kơ teh đak Lăm tơpang ti Ih đei tơdrong mơsêh pran kơtang ưh kơ đei bu kĕ tơblah hăm Ih.

II Ho 20:6 ပူးပေါင်းရင်းမြစ်များ

I Pot 8:23

Păng khan; “Ơ Kră Yang lu bơngai Isơrael, mă oei tơ kơpal plĕnh ti dah tơ anih âu, ưh kơ đei yang nai thoi Ih, Ih 'mêm mơnat kơ lu đĭch đam Ih păng wei răk dôm nơ̆r Ih đei pơkă pơkăm hăm lu sư. Bu mă đĭ jơhngơ̆m năm păng oei hăm Ih.

I Pot 8:30

Mơ̆ng bĕ tơdrong kiơ mă lu đĭch đam Ih păng kon pơlei Ih krao khan tơ anih 'nâu, apinh Ih mơ̆ng bĕ đơ̆ng anih Ih oei đơ̆ng plĕnh ti; apinh Ih mơ̆ng mă nhen păng mơnat ăn.

I Ho 29:18

Ơ Kră Yang 'Bok Kei-Dei Abraham, Isăk păng Isơrael, yă 'bok lu nhôn apinh Ih ăn kơ kon pơlei ih wei răk ling-lang lăm Jơhngơ̆m đon 'lơ̆ng păng pơm ăn lăm Jơhngơ̆m lu sư chu kiơ̆ Ih.

II Ho 20:5

Jêhôsaphat dơ̆ng tŏk-bŏk akŭm hơdai lu bơngai Juđa đơ̆ng rim pơlei păng pơlei Jêrusalem 'bơ̆t cham 'nao anăp hnam akŭm tơm Kră Yang.

II Ho 25:8

Dah ih kiơ̆ trong 'nâu mă tơblah pran kơtang Kră Yang 'Bok Kei-Dei gô ăn kơ ih thuơ 'bơ̆t anăp lu ayăt kơ ih yua kơ Kră Yang 'Bok Kei-Dei gơh tơgŭm kĕ jei, kư̆m gơh ăn thuơ.”

II Ho 5:14

dĭng mah lu 'bok soi ưh kơ kĕ dơ̆ng wă bơ̆jang yua kơ hơmơ̆l jur tơdrong ư-ang rang mơnhal đơ̆ng Kră Yang mơ̆t 'bĕnh-'bang jơ̆p-jang kơ hnam akŭm 'Bok Kei-Dei.

II Ho 6:14

Sư khan: “Bơnê kơkuh kơ Ih Kră Yang 'Bok Kei-Dei Isơrael kơpal plĕnh păng ala teh ưh kơ đei yang kiơ nai mă thoi Ih wei răk dôm nơ̆r đêl pơkă wă 'mêm mơnat kơ đĭch đam Ih, mưh lu sư đĭ jơhngơ̆m năm kiơ̆ Ih.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 115:3

Kră Yang 'Bok Kei-Dei lu bơ̆n tơ kơpal plĕnh ti, Sư pơm tơdrong kiơ mơ̆ng kơ Sư wă.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 47:2

Yua kơ Kră Yang Tih Hloh, a trŏ kơ hli yom. Sư jơ̆ pơtao Tih Hloh kơpal teh đak âu.

Horiso 47:8

Kră Yang 'Bok Kei-Dei pơgơ̆r đĭ teh đak. Kră Yang 'Bok Kei-Dei oei tơ anih Rơgoh Sư.

Horiso 54:1

Ơ Kră Yang 'Bok Kei-Dei! Hăm anăn Ih pơklaih inh. Yua tơdrong mơsêh Ih sek dŏng inh tơpăt.

Horiso 62:11

Kră Yang 'Bok Kei-Dei đei khan, thoi âu: Inh kơtơ̆ng 'bar wơ̆t tơdrong mơsêh noh Kră Yang 'Bok Kei-Dei.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Êsai 14:27

Yua kơ Kră Yang Tih Hloh pơkă bơih na bu gơh sŭt lê̆? Ti Kră Yang yơ̆r bơih na bu gơh gơ̆t lê̆?

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 49:19

'Nâu, thoi dăm-brang đơ̆ng bri brah Krong Jôrđăn năm mơ̆t lăm tơmăn 'nhĕt hơdrih 'lơ̆ng, Inh gô puh hloi lu bơngai Êđôm, Inh gô ăn yŏng pơgơ̆r sư kiơ̆ kơ Inh rơih iŏk, Bu thoi Inh? Bu pơ̆n athei Inh? Bơngai wei triu bu pơ̆n blah Inh?

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

Da 4:25

Đe gô pơpuh lê̆ ih đơ̆ng lăm kon bơngai păng ih gô oei hơdai hăm kon sem brem tơ bri, ih gô sa 'nhĕt thoi rơmo păng akâu jăn ih tŭk gô gom hơiuh đĭ-đăng truh tơpơh sơnăm, dĭng mă truh tơ ih 'blŏk băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai păng Sư ăn kơ bu mơ̆ng kơ Sư wă.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Jang 11:17

'Bok Kei-Dei ăn kơ lu sư Yang Bơhngol 'Lơ̆ng thoi Sư ăn kơ bơ̆n sơ̆ lăp bơ̆n lui kơ Kră Yang Yêsu Krist, na Sư ăn kơ bơ̆n Yang Bơhngol 'Lơ̆ng hloi. Na inh ưh kơ wă găn 'Bok Kei-Dei ôh.”

Rom 9:19

Hli kơ iĕm khan: “Yua kơ kiơ 'Bok Kei-Dei oei jô̆ yo kơ bơngai mă Sư ăn arăng kơ̆l, mă bơngai bơ̆n khan kơ Sư, Sư kư̆m ưh kơ chu?”

Both 4:39

Thoi noh, dang ei iĕm athei băt păng chih răk bĕ lăm jơhngơ̆m lu iĕm: Kră Yang noh boih Kră Yang 'Bok Kei-Dei tơ kơpal plĕnh ti păng tơ ala teh âu; ưh kơ đei bu nai dơ̆ng.

Jôsuê 2:11

Lu nhôn kư̆m hlôi băt tơdrong noh, jơhngơ̆m hli mah hach hiong thoi đak ro, ưh kơ đei bu lăm lu nhôn wă nuih blah lu iĕm dơ̆ng, yua kơ Kră Yang 'Bok Kei-Dei lu iĕm boih Kră Yang 'Bok Kei-Dei tih hloh, mă oei tơ kơpal plĕnh ti păng ala teh âu.