II Ho 20:30 - Sơ̆p Hlabơar Nơ̆r 'Bok Kei-Dei

³⁰ Thoi noh, dêh char pơtao Jêhôsaphat hiôk-hian rơnŭk rơnua, yua kơ Kră Yang 'Bok Kei-Dei ăn kơ sư pơdơh hiôk-hian puăn pah.

II Ho 20:30 ပူးပေါင်းရင်းမြစ်များ

II Sam 7:1

Kơplah pơtao oei lăm hnam pơtao sư, păng Kră Yang ăn kơ sư pơdơh hiôk huay pă đei ayăt jum dăr kơ sư,

II Ho 15:15

Đĭ kơ bơngai Juđa chơt hiôk dêh kơ nơ̆r pơkă pơkăm noh, yua kơ lu sư đĭ jơhngơ̆m pơkă păng đĭ jơhngơ̆m krao chă Kră Yang na Sư ăn tơ'bơ̆p păng ăn kơ lu sư rơnŭk rơnua hiôk-hian rim pah.

Jop 11:19

Ih gô 'bĭch tep ưh kơ đei bu pơm kơ ih hli tơrơ, lơ bơngai gô chă ih wă kơ ih tơgŭm lu sư đei pŭn hiôk.

Jop 34:29

Tơdah Kră Yang oei ngăn hreh. Bu gô pơ̆n chrih kơ Sư? Tơdah Kră Yang ôn muh măt Sư, bu gơh đei 'bôh Sư? Kră Yang wei rong đĭ-đăng kon pơlei, đĭ-đăng bơngai,

Horiso 76:8

Ih pơma khan đơ̆ng plĕnh kơ tơdrong sek tơlang. Na teh hli tơrơ, ngăn hreh. Sêla

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Tơdrông Pơđơk 3:24

Kơplah ih 'bĭch ưh kơ đei hli kiơ. Kơplah ih 'bĭch tep, ih gô tep hiôk-hian.

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Jêphania 3:13

Lu bơngai Isơrael mă oei đei lu sư ưh pă pơm kơnê̆ boih, ưh pă pơma hơlĕnh, ưh pă đei hơpiĕt hơlĕnh pơdăr lăm 'bơ̆r lu sư boih; yua kơ lu sư gô sŏng sa 'băt păng tep hiôk, ưh pă đei bu tơhli lu sư dơ̆ng.”

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Jôsuê 23:1

Đunh tơpă đơ̆ng rŏng kơ Kră Yang ăn kơ lu bơngai Isơrael pơdơh hiôk-hian lu ayăt tăp dăr ưh pă đei tơblah păng Jôsuê đĭ kră, arih sot sơnăm đĭ lơ boih.