II Ho 20:22 - Sơ̆p Hlabơar Nơ̆r 'Bok Kei-Dei

²² Kơplah lu sư oei hơri kơkuh bơnê, Kră Yang hơmet minh khŭl răp blah bơngai Ammôn, bơngai Môap păng lu bơngai oei 'bơ̆t Kông Sêir oei năm blah bơngai Juđa ră na păng lu sư thuơ đĭ.

II Ho 20:22 ပူးပေါင်းရင်းမြစ်များ

II Sam 22:4

Ơ Kră Yang, inh hơri ư-ang kơ ih; inh krao apinh Ih, na inh gơh klaih đơ̆ng lu bơngai ayăt kơ inh.

II Pot 6:17

Đơ̆ng noh, Êlisê krao khan thoi âu: “Ơ Kră Yang apinh ih pơih ăn măt đĭch đam inh wă kơ sư gơh 'bôh.” Kră Yang pơih ăn măt đam noh, na sư 'bôh rơwơ̆nh rơwănh kơ aseh 'bĕnh kơ kông păng gre aseh ŭnh tăp tang kơ Êlisê.

II Ho 13:13

Jêrôbôam ăn boih linh sư răp wă blah tơ gah rŏng; thoi noh lu sư dơ̆ng gah anăp lu linh Juđa, mơ'nah răp blah tơ gah rŏng lu linh Juđa.

II Ho 13:15

Lu bơngai Juđa jreo năm tơ anăp tơblah. Kơplah lu kon pơlei Juđa jreo năm tơblah, Kră Yang 'Bok Kei-Dei blah pơrăm Jêrôbôam păng đĭ-đăng linh Isơrael 'bơ̆t anăp pơtao Abija păng bơngai Juđa.

II Ho 20:10

'Nâu to lu bơngai Ammôn, kon pơlei Môap păng lu bơngai oei kơpal Kông Sêir; lu bơngai mă kơplah kon pơlei Isơrael lĕch đơ̆ng Êyiptơ Kră Yang ưh kơ ăn lu sư blah, na lu sư weh ưh kơ pơrăm đe noh ôh.

II Ho 21:8

Lăm chăl Jêhôram pơgơ̆r, char Eđôm iung blah lu bơngai Juđa păng pôk pơtao kơdih lu sư.

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

Horiso 18:4

Bră tơdrong lôch pơ̆n tăp dăr kơ inh boih, Đak tihb lơ̆p pơhoch lê̆ inh.

Êsai 19:2

“Inh gô pơm kơ bơngai Êyiptơ tơblah băl tơduă bơngai Êyiptơ, 'nhŏng oh tơblah băl tơduă 'nhŏng oh, rông 'bôt tơblah băl tơduă rông 'bôt, pơlei tih tơblah băl tơduă pơlei tih, teh đak âu tơblah hăm teh đak noh.

Êsêkiên 38:21

Kră Yang khan: Inh gô krao đao hơlă đơ̆ng rim kơ kông groi Inh blah lu sư; đao hơlă lu sư gô blah 'nhŏng oh sư kơdih.

Jôsuê 6:16

Dăr wơ̆t mă tơpơh, lu 'bok soi hlôm tơgiĕp re pơhioi na Jôsuê khan kơ kon pơlei: Ôr jreo pơret bĕ, yua kơ Kră Yang jao ăn pơlei âu kơ lu iĕm boih.

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

I Sam 14:16

Lu linh gak pơtao Sôl tơ pơlei Gibêah lăm dêh Bênjamin, dai 'bôh kon pơlei Philistin kơdâu tơklah tơklang bơsuơ̆t bơsuăt.

I Sam 14:20

'Bơ̆t noh, Sôl akŭm đĭ-đăng lu linh oei hơdai sư, năm tơ anih tơblah, na 'bôh bơngai Philistin toh đao pơlôch dih băl bơsuơ̆t bơsuăt krưp dêh.