II Ho 20:20 - Sơ̆p Hlabơar Nơ̆r 'Bok Kei-Dei

²⁰ Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

II Ho 20:20 ပူးပေါင်းရင်းမြစ်များ

II Sam 14:2

Jôap wơh bơngai năm tơ pơlei Têkôa chă minh 'nu bơngai drŏ-kăn gơh hơgei, sư pơkă kơ drŏ-kăn ei khan: “Ih athei pơm thoi bơngai sơ'ngon kơ đei bơngai lôch, hrŭk ao sơ'ngon, 'nĕ kơ pik pơgang 'bâu phu, ih pơm akâu thoi bơngai drŏ-kăn sơ'ngon kơ đei bơngai lôch đĭ đunh năr boih.

I Ho 4:5

Asur, 'bă kơ Têkôa, đei 'bar 'nu akăn Hêla păng Naara.

II Ho 11:6

Sư man pơdơ̆ng pơlei Betlehem, Êtam, Têkôa,

II Ho 20:19

Lu bơngai Lêwi gah adrĕch Kôhat păng lu adrĕch Kôra lu sư iung dơ̆ng pơma 'bơ̆r re păng khan bơnê kơkuh kơ Kră Yang 'Bok Kei-Dei Isơrael.

Horiso 125:1

Lu bơngai gơnang kơ Kră Yang. Thoi kông Siôn ưh kơ đei pơpơ̆, mă-lei oei oei ling-lang.

Le 14:31

Kon pơlei Isơrael 'bôh bơih tơdrong tih mă Kră Yang đei pơm kơ bơngai Êyiptơ, na lu kon pơlei Isơrael hli yom gơnang kơ Kră Yang păng lui kơ Môis, đĭch đam Sư.

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Je 38:20

Jêrêmi khan: Đe ưh kơ pơjao ih kơ lu sư ôh. Apinh ih mơ̆ng kiơ̆ bĕ nơ̆r Kră Yang, mă inh đei roi kơ ih, wă kơ ih đei pŭn hiôk păng arih.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Da 6:23

Na, pơtao chhôk dêh păng athei đe hơtŏk Đaniel đơ̆ng lăm sơlŭng. Thoi ei na đe hơtŏk Đaniel tơ kông păng đĭ-đăng lu đe lăng Đaniel ưh kơ đei rơka kiơ tơ akâu sư; yua kơ sư gơnang kơ Kră Yang 'Bok Kei-Dei sư.

Luka 16:31

Na Abraham khan: ‘Dah lu sư ưh kơ wă mơ̆ng lu đe bơtho tơdrong 'Bok Kei-Dei pơkă păng tơdrong lu bơngai pơtruh nơ̆r 'Bok Kei-Dei, mă sư 'bôh bơngai iung arih đơ̆ng lôch, sư kư̆m ưh kơ lui 'mơ̆i.’ ”

Yo 11:40

Yêsu khan kơ sư: “Inh khan kơ ih boih, dah ih lui ih gô 'bôh tơdrong mơsêh mơyang đơ̆ng 'Bok Kei-Dei.”

Yo 13:20

Inh khan kơ iĕm tơpă wă kơ iĕm băt: Bơngai bu sơng iŏk bơngai mă Inh wơh, bơngai 'noh dang sơng iŏk Inh. Bơngai bu sơng iŏk Inh, noh dang sư sơng iŏk 'Bă Inh mă wơh Inh.”

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Hêbrơ 11:6

Bơngai bu ưh kơ đei đon lui, bơngai noh 'Bok Kei-Dei ưh kơ lăp đon ôh. Bơngai bu wă năm tơ 'Bok Kei-Dei, sư athei lui kơ đei 'Bok Kei-Dei tơpă na 'Bok Kei-Dei lăp đon păng athei lui kơ Sư wă tơgŭm dôm lu bơngai mă krao chă Sư.