II Ho 20:13 - Sơ̆p Hlabơar Nơ̆r 'Bok Kei-Dei

¹³ Đĭ-đăng bơngai Juđa hăm lu kon akăn lu sư dơ̆ng 'bơ̆t anăp Kră Yang.

II Ho 20:13 ပူးပေါင်းရင်းမြစ်များ

II Ho 20:12

Ơ Kră Yang 'Bok Kei-Dei lu nhôn, lei Ih ưh kơ phak lu sư hă? Tơpă, lu nhôn ưh pă đei jơhngơ̆m pran wă blah hăm lu linh lơ kơdrâ̆m noh mă oei wă wang blah lu nhôn păng lu nhôn kư̆m đĭ pă băt wă pơm liơ; mă-lei măt lu nhôn lăng chang gô Ih đĕch.”

II Ho 20:14

Kơplah noh, Yang Bơhngol 'lơ̆ng Kră Yang jur mơ̆t lăm Jahasiêl, kon drŏ-nglo Sachari, sâu Bênaia, sâu i Jêiêl, sâu ach Matania, bơngai Lêwi adrĕch adrung Asap; sư dơ̆ng tŏk-bŏk lu bơngai tơpôl oei akŭm.

Esơra 10:1

Lăm kơplah Esơra krao khan tơbral, nhơ̆m hmoi, roi tơbral yoch păng drap 'bơ̆t anăp hnam akŭm, na đei minh tơpôl kon pơlei Isơrael, bơngai drŏ-kăn drŏ-nglo hơ'lơ̆p lơ dêh, akŭm tăp dăr kơ sư; lu sư kư̆m nhơ̆m hmoi ơh ol.

Jôel 2:16

Krao akŭm bĕ kon pơlei pơla, pơm rơgoh bĕ lu khŭl bơngai akŭm. Athei krao lu kră pơlei năm tơ noh, athei akŭm lu hơ'lơ̆p, păng lu nge mă oei mŏm! Ăn klo hle sư lĕch bĕ đơ̆ng anih 'bĭch sư, păng ăn akăn hơlai 'nao sư lĕch bĕ đơ̆ng anih sư.

Jôna 3:5

Kon pơlei Niniwe lui kơ Kră Yang 'Bok Kei-Dei. Lu sư roi tơbăt athei hrŭk ao 'bi na ơ̆t kơ sŏng sa, iŏk đơ̆ng bơngai pơm tih yŏng mơng truh tơ lu kon pơlei hmă.

Jang 21:5

Trŏ năr nhôn wă năm boih na nhôn năm tơ thŏng-nan. Đĭ-đăng lu sư hăm kon akăn sư năm hơdai păng nhôn lĕch đơ̆ng pơlei ei; truh tơ jih đak dơsĭ, nhôn sơtơ̆p kŭl-tăng krao khan kơ 'Bok Kei-Dei.

Both 29:10

Năr 'nâu đĭ-đăng kơ lu iĕm oei dơ̆ng 'bơ̆t anăp Kră Yang đei lu yŏng kơdră lăm adrĕch, lu kră pơlei, lu yŏng pơgơ̆r linh păng đĭ-đăng lu drŏ-nglo bơngai Isơrael.

Both 29:9

Lu iĕm athei kơchăng wei răk pơm kiơ̆ dôm nơ̆r tơdrong pơgơ̆p pơkă 'nâu, wă kơ lu iĕm gơh đei jing lăm tôm tơdrong jang iĕm pơm.