II Ho 2:6 - Sơ̆p Hlabơar Nơ̆r 'Bok Kei-Dei

⁶ Lei na bu kĕ pơm ăn hnam kơ Kră Yang? Mă lu plĕnh, plĕnh kơ lu tăl plĕnh kư̆m ưh kơ gơh 'măn kơ Sư mơ̆n! Lei inh âu bu, mă gơh pơm hnam ăn kơ Kră Yang? Pơm hnam lăp wă soh 'long 'bâu phu 'bơ̆t anăp Sư.

II Ho 2:6 ပူးပေါင်းရင်းမြစ်များ

II Sam 7:18

Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

I Pot 7:13

Pơtao Sôlômôn wơh bơngai năm krao wơ̆n Hiram đơ̆ng pơlei Tirơ.

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Ho 22:15

Ih kư̆m gô đei lơ bơngai jang, bơngai teh tơmo, lu bơngai man, lu bơngai jang 'long păng lu bơngai gơh jang tôm tơdrong jang,

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

II Ho 1:10

Thoi ei, apinh Ih ăn kơ inh gơh hơgei đei đon hlôh wao wă kơ inh gơh pơgơ̆r kon pơlei pơla 'nâu yua kơ bu kĕ wei-lăng pơgơ̆r kon pơlei Ih lơ kơdrơ̆m dêh thoi âu?”

II Ho 6:18

Hăm tơpă Kră Yang 'Bok Kei-Dei oei hơdai hăm kon bơngai tơ ala teh âu? Tơ plĕnh mă đĭ hơtăl plĕnh, kư̆m ưh kơmah kơ Ih, pơma kiơ hnam mă inh pơm boih 'nâu!

Le 3:11

Môis sư tơl khan: Inh âu bu, mă pơ̆n năm truh tơ Pharaôn wă chông kon pơlei Isơrael lĕch đơ̆ng dêh Êyiptơ?

Le 31:5

chraih kuer tơmo, chraih hơkôih 'long, chrek chhơ̆.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

II Kor 2:16

Lu bơngai mă wă hiong răm, lu sư 'bâu chhok hơ'nơ̆k lôch. Lu bơngai 'Bok Kei-Dei rơih iŏk, lu sư 'bâu phu pơm kơ lu sư arih ling-lang. Tơdrong jang noh trăp dêh bu kĕ jang?

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:14

Mă-lei lu iĕm athei pơyơ̆r tơmam soi 'buh tơ anih mă Kră Yang gô rơih minh anih đơ̆ng lăm teh đak lăm minh adrĕch, tơ anih noh lu iĕm athei pơm dôm tơdrong mă inh đei bơtho khan.

Both 12:26

Gah lu sem dơrong mă iĕm 'măn lê̆ 'lơ̆ng rơgoh wă pơyơ̆r păng kiơ̆ thoi đei pơkă boih dah wă pơsĭt đơ̆ng nơ̆r pơkă wă pơyơ̆r, na rôp anhăk ba năm tơ anih mă Kră Yang rơih boih.