II Ho 2:12 - Sơ̆p Hlabơar Nơ̆r 'Bok Kei-Dei

¹² Hiram khan dơ̆ng: “Bơnê kơ Kră Yang 'Bok Kei-Dei Isơrael, Kră Yang Tơ'ngla pơjing kơ plĕnh teh, Sư đei ăn boih kơ pơtao Đawit minh 'nu kon drŏ-nglo gơh hơgei, hlôh wao wă pơm hnam kơ Kră Yang păng wă pơm minh pôm hnam pơtao kơ sư.

II Ho 2:12 ပူးပေါင်းရင်းမြစ်များ

I Pot 5:7

Lăp pơtao kơtơ̆ng nơ̆r Sôlômôn pơma thoi noh, na sư hiôk dêh sư khan: Kơkuh bơnê kơ Kră Yang năr 'nâu Sư ăn kơ Đawit đei minh 'nu kon drŏ-nglo gơh hơgei tôm tơdrong wă pơgơ̆r kon pơlei pơla tih dêh thoi âu.

I Ho 29:20

Đawit khan kơ đĭ-đăng tơpôl: “Iĕm athei hơri bơnê kơkuh kơ Kră Yang 'Bok Kei-Dei lu iĕm.” Na đĭ-đăng khŭl tơpôl hơri bơnê hloi kơ Kră Yang 'Bok Kei-Dei yă 'bok lu sư, lu sư kŭp kơ̆l drap kơkuh kơ Kră Yang, păng kơkuh kơ pơtao.

II Ho 2:1

Sôlômôn krao wơh pơm Hnam akŭm kơ Anăn Kră Yang păng pơm minh pôm hnam pơtao kơ sư.

II Ho 2:13

Dang ei, inh gơih ăn kơ ih Huram Abi, sư bơngai hơgei dêh gơh pơm tôm.

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 102:5

Yua kơ tơdrong inh tơtok tơtăm sĕch inh đĭ klep kơ kơting.

Horiso 124:8

Tơdrong dŏng tơgŭm lu bơ̆n lăm anăn Kră Yang. Tơ'ngla pơjing plĕnh teh.

Horiso 33:6

Lu plĕnh mă đei pơjing đơ̆ng nơ̆r Kră Yang. Đĭ lu linh tơ plĕnh đơ̆ng hơyuh dui jơhngơ̆m đơ̆ng 'bơ̆r Sư na đei.

Je 10:10

Mă-lei Kră Yang jơ̆ 'Bok Kei-Dei sĭt; Sư jơ̆ Kră Yang 'Bok Kei-Dei arih; Pơtao ling-lang. Mưh Sư hil teh đak pơpơ̆; đĭ-đăng dêh char ưh kơ kĕ pŭ iŏk ôh dôm tơdrong Sư hil mĭl.”

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

Jang 14:15

“Ơ bre, iĕm wă pơm kiơ? Nhi kư̆m kon bơngai lei-lăi thoi iĕm mơ̆n. Nhi wă bơtho kơ iĕm Tơdrong 'Nao 'Lơ̆ng, wă kơ iĕm tŭk lê̆ dôm lu yang iĕm pơm kơkuh noh mă ưh kơ yua kiơ, na iĕm lui kiơ̆ kơ 'Bok Kei-Dei đĕch. 'Bok Kei-Dei arih ling-lang. Sư pơjing plĕnh teh, đak dơsĭ păng đĭ-đăng sem tơmam oei lăm ala teh đak.

Jang 4:24

Lu bôl sư kơtơ̆ng thoi noh boih, na đĭ kơ lu sư ei krao khan kơ 'Bok Kei-Dei thoi âu: “Ơ Kră Yang 'Bok Kei-Dei, nhôn băt kơ Ih pơjing plĕnh teh păng đak dơsĭ; păng đĭ-đăng tơmam đơ̆ng Ih pơjing ngăl.

I Pet 1:3

Bơnê kơ Kră Yang 'Bok Kei-Dei 'Bă Yêsu Krist Yŏng bơ̆n, Sư 'mêm mơnat kơ bơ̆n tơpă na Sư ăn kơ bơ̆n tơpŭ ming 'nao, yua kơ Yêsu Krist iung arih đơ̆ng lôch. Thoi noh bơ̆n băt tơpă ning-mônh bơ̆n gô iung arih đei tôm tơdrong hiôk 'lơ̆ng Sư wă ăn kơ bơ̆n.

Tơdrông Tơ'bôh 10:6

na sư pơma pơsĭt kơ đe 'bơ̆t anăp 'Bok Kei-Dei Kră Yang arih ling-lang ưh kơ đei layơ tôch, sư pơjing plĕnh tôm tơdrong kơpal plĕnh, pơjing teh tôm tơdrong kơpal teh, pơjing đak dơsĭ tôm tơdrong lăm đak dơsĭ. Na tơdrong sư pơma pơsĭt kơ đe noh khan: “'Bok Kei-Dei ưh pă wă gô dơ̆ng boih.

Tơdrông Tơ'bôh 4:11

“Ơ 'Bok Kei-Dei Kră Yang, pôm Ih đĕch mơsêh na trŏ kơ nhôn lui yom păng ư-ang kơ Ih tơpă, yua kơ Ih gơh pơjing kơdih lăm tôm tơdrong. Mă tôm tơdrong kiơ yua kơ Ih wă na Ih pơjing hloi.”