II Ho 19:7 - Sơ̆p Hlabơar Nơ̆r 'Bok Kei-Dei

⁷ Thoi noh, na hli yom bĕ kơ Kră Yang athei sek tơlang mă 'lơ̆ng, yua kơ Kră Yang lu bơ̆n Sư tơpăt, ưh kơ mơ̆t minh pah, ưh kơ đei pơdê bu kư̆m ưh kơ đei iŏk jên đe răt.”

II Ho 19:7 ပူးပေါင်းရင်းမြစ်များ

Bl 18:25

Na Ih ưh kơ wă pơm thoi noh aah? Pơlôch lu bơngai tơpăt hơdai hăm lu bơngai yoch; dĭng mah jô̆ lu bơngai tơpăt kư̆m thoi lu bơngai kơnê̆, ưh ôh, Kră Yang ưh kơ đei layơ pơm thoi noh! Kră Yang sek tơlang kơ jơ̆p teh đak, ưh kơ đei pơm tơdrong tơpăt aah?”

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

II Sam 23:3

Kră Yang 'Bok Kei-Dei kon pơlei Isơrael bơtho tơ'bôh. Tơmo tih kon pơlei Isơrael pơma hăm inh: “Bơngai ayơ pơgơ̆r kon bơngai mă 'lơ̆ng tơpăt, bơngai ayơ pơgơ̆r hăm jơhngơ̆m hli yom kơ Kră Yang 'Bok Kei-Dei.

Ne 5:15

Mă-lei lu kră wei-lăng adrol kơ inh pơgŏ kon pơlei tơgŭm tơmam sa păng sik, 'nguaih kơ puăn-jĭt sêikơl jên hu; lu bơngai đĭch đam kiơ̆ wei-lăng sư kư̆m wang chă apinh đơ̆ng kon pơlei đơ̆ng, mă-lei gah inh ưh kơ pơm thoi noh ôh; yua kơ hli yom kơ Kră Yang 'Bok Kei-Dei.

Jop 13:10

Sư gô hil phak iĕm tơpă. Tơdah iĕm oei pơdê Sư, mă khan hlơp lăm jơhngơ̆m.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Jop 8:3

Kră Yang 'Bok Kei-Dei hăm lah pơm pơđŏng lê̆ tơdrong tơpăt? Dah Tơ'ngla Mơsêh Mơyang Tih Hloh pơm pơglăi lê̆ tơdrong tơpăt?

Horiso 82:2

“Lu iĕm gô sek tơlang ưh kơ tơpăt păng mơ̆t lu bơngai kơnê̆ dĭng dang yơ? Sêla

Le 23:8

Ih 'nĕ kơ iŏk sa pơgâm mŭk tơmam đe, yua kơ iŏk sa pơgâm pơm bơbôl kơ măt bơngai hlôh wao păng bơ̆ đŏng tơdrong bơngai tơpăt.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.

Mathiơ 22:16

Lu sư wơh buăl lu sư năm hơdai khŭl pơtao Hêrôt năm jet Yêsu thoi âu: “Ơ 'Bok Thây, nhôn băt kơ Ih bơngai tơpăt, Ih ưh kơ hli kơ bu ôh. Ih lăng lu bơngai pơm tih, lu bơngai iĕ lei-lăi ngăl păng bơtho tơdrong 'Bok Kei-Dei tơpăt ling-lang.

Jang 10:34

Na Pêtrôs pơma thoi âu: “Dang ei inh băt tơpă boih 'Bok Kei-Dei jô̆ đĭ-đăng bơngai lei-lăi đĕch.

Rom 2:11

Tơdrong 'Bok Kei-Dei 'mêm kơ kon bơngai lei-lăi đĕch, ưh kơ phara ôh.

Rom 9:14

Bơ̆n 'bôh 'Bok Kei-Dei ưh kơ 'mêm kơ bre noh dang ăi, mă-lei bơ̆n 'nĕ tơchĕng khan 'Bok Kei-Dei ưh kơ tơpăt.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.

Êphêsô 6:9

Ơ lu bơngai yŏng tơ'ngla wei lu bơngai đĭch, iĕm kư̆m pơm mă 'lơ̆ng kơ lu đĭch iĕm; mă sư ưh kơ chu 'nĕ kơ hil kơ sư dêh păng 'nĕ kơ tôn teh sư mơnat kơ sư mơ̆n. Mă iĕm bơngai yŏng tơ'ngla sư, mă sư bơngai đĭch iĕm, đĭ-đăng kơ bơ̆n đei minh 'nu Yŏng tih hloh kơ đĭ-đăng, Sư oei tơ kơpal plĕnh ti. Sư lăng đĭ-đăng bơngai lei-lăi đĕch ưh kơ đei phara kiơ ôh.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Kôlôsê 3:25

Bơngai bu ưh kơ chu, sư wă pơm kơnê̆, 'Bok Kei-Dei kư̆m pơm tơwih kơ sư mơ̆n, yua kơ 'Bok Kei-Dei lăng kon bơngai lei-lăi đĕch.

I Pet 1:17

Bơ̆n krao khan kơ Sư yua kơ Sư 'Bă bơ̆n, bơ̆n athei chu kơ Sư yua kơ Sư wă sek tơlang mă tơpăt đĭ-đăng kon bơngai kiơ̆ tơdrong lu sư đêl pơm. Thoi noh na bơ̆n athei kơchăng hli kơ pơm yoch kơplah bơ̆n oei arih tơ ala teh âu. Bơ̆n oei arih tơ ala teh âu thoi bơngai tơmoi đĕch, ưh kơ sĭ teh đak bơ̆n kơdih ôh.

I Sam 11:7

Sư rôp minh hơgrop rơmo, sư kăt soch lê̆ na wơh bơngai chă asong jơ̆p-jang kơ dêh char Isơrael păng hăm nơ̆r tơbăt: Bơngai bu ưh kơ wă kiơ̆ Sôl păng Samuel, na lu rơmo lu sư kư̆m gô kăt soch thoi noh mơ̆n. Kră Yang pơm kơ kon pơlei băt hli kơ Sôl, na đĭ-đăng lu sư năm kiơ̆ sư.