II Ho 19:3 - Sơ̆p Hlabơar Nơ̆r 'Bok Kei-Dei

³ Mă-lei lăm ih kư̆m đei tơdrong 'lơ̆ng, ih đei pơrăm lê̆ boih lu gơ̆ng rup yang Asêra đơ̆ng lăm char ih păng ih kư̆m đei pơkă wă chă Kră Yang 'Bok Kei-Dei!”

II Ho 19:3 ပူးပေါင်းရင်းမြစ်များ

I Pot 14:13

Đĭ-đăng lu kon pơlei Isơrael gô nhơ̆m hmoi păng 'bŭ sư; lăm hnam dơnŏ Jêrôbôam lăp minh 'nu đĕch 'bŭ lăm bơsat, yua kơ lăm hnam Jêrôbôam lăp minh 'nu sư đĕch đei jơhngơ̆m 'lơ̆ng 'biơ̆ hăm Kră Yang 'Bok Kei-Dei Isơrael.

II Ho 11:16

Lăm adrĕch bơngai Isơrael, bu đei jơhngơ̆m chă Kră Yang 'Bok Kei-Dei Isơrael, lu sư kiơ̆ lu bơngai Lêwi, năm tơ Jêrusalem wă pơyơ̆r tơmam soi ăn kơ Kră Yang 'Bok Kei-Dei lu 'bok sư.

II Ho 12:12

Đơ̆ng pơtao băt tơjur akâu tơbral, na Kră Yang, ưh pă hil ưh kơ đei pơrăm đĭ; tơpă kư̆m đei tơdrong 'lơ̆ng mơ̆n lăm char Juđa.

II Ho 12:14

Rêhôbôam pơm kơnê̆, yua kơ sư ưh kơ chơchă Kră Yang ôh lăm jơhngơ̆m sư.

II Ho 15:12

Lu sư pơgơ̆p pơkă băl rim 'nu athei chă Kră Yang 'Bok Kei-Dei 'bok yă lu sư hăm đĭ jơhngơ̆m klơm klak.

II Ho 15:15

Đĭ kơ bơngai Juđa chơt hiôk dêh kơ nơ̆r pơkă pơkăm noh, yua kơ lu sư đĭ jơhngơ̆m pơkă păng đĭ jơhngơ̆m krao chă Kră Yang na Sư ăn tơ'bơ̆p păng ăn kơ lu sư rơnŭk rơnua hiôk-hian rim pah.

II Ho 20:3

Jêhôsaphat hli, na hơmet jơhngơ̆m sư chă Kră Yang, na kư̆m roi tơbăt jơ̆p kơ dêh char athei ơ̆t kơ sŏng sa.

II Ho 20:33

Mă-lei sư ưh tam mă pơrăm ôh anih kơjung păng kon pơlei ưh tam mă jao jơhngơ̆m kơ Kră Yang 'bok lu sư.

II Ho 22:9

Sư kư̆m chă Ahasia oei kơdâu ôn lăm pơlei Samari; đe rôp, chông ba sư tơ Jêhu, đơ̆ng noh pơlôch sư. Đe 'bŭ sư; “Yua kơ đe khan, sư kon drŏ-nglo Jêhôsaphat, bơngai mă chă Kră Yang hăm đĭ jơhngơ̆m. “Lăm adrĕch Ahasia ưh pă đei bu dơ̆ng pơgơ̆r pơtrơp pơm pơtao lăm char sư.

II Ho 27:6

Thoi noh Jôtham jing pran kơtang, yua kơ sư năm kiơ̆ trong tơpăt 'bơ̆t anăp Kră Yang 'Bok Kei-Dei sư.

II Ho 30:19

“Hơpơi apinh Kră Yang Tơ'ngla dim, 'nĕ kơ jô̆ yo kơ lu bơngai mă đĭ jơhngơ̆m chă Kră Yang 'Bok Kei-Dei lu 'bok sư, mă khan lu sư tam kiơ̆ hơmet akâu kơdih rơgoh kiơ̆ thoi tơdrong juăt hnam akŭm rơgoh.”

Esơra 7:10

Esơra đei ling-lang lăng hŏk iŏk khôi juăt Kră Yang, wei răk pơm kiơ̆ păng bơtho ăn kơ kon pơlei Isơrael băt kơ dôm khôi juăt păng dôm tơdrong đei tơtă.

Horiso 57:7

Ơ Kră Yang 'Bok Kei-Dei jơhngơ̆m inh kơjăp, jơhngơ̆m inh kơjăp boih. Inh gô hơri păng hơri bơnê Kơ Sư.

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.