II Ho 19:11 - Sơ̆p Hlabơar Nơ̆r 'Bok Kei-Dei

¹¹ Pơtao pôk ăn Amaria 'bok soi tơm pơm yŏng sek tơlang kơ tơdrong pơm glăi hăm khôi juăt Kră Yang păng Sêbadia kon drŏ-nglo Ismael, pơm yŏng kơdră bơngai Juđa, Sư pơm yŏng sek tơlang tơdrong glăi hăm teh đak pơtao păng kư̆m iŏk lu bơngai Lêwi pơm 'bok sek tơlang tơgŭm.” Pơtao kư̆m đei pơkă dơ̆ng: “Lu iĕm athei mă nuih na bơ̆jang! Kră Yang oei hơdai hăm lu bơngai pơm 'lơ̆ng tơpăt.”

II Ho 19:11 ပူးပေါင်းရင်းမြစ်များ

I Ho 22:11

Dang ei ơ dăm ăn kơ Kră Yang oei hơdai hăm ih, tơgŭm ih lăm tơdrong pơm hnam kơkuh kơ Kră Yang 'Bok Kei-Dei ih, kiơ̆ thoi Sư đei khan boih gah ih.

I Ho 22:16

hăm maih, hu, kong, păng bơsei, lơlap lơlang ưh kơ kĕ jô̆: Iung pơm bĕ! Apinh Kră Yang oei hơdai hăm ih!”

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

I Ho 26:30

Đơ̆ng lăm bơngai Hêbrôn đei Hasabia păng 'nhŏng oh sư, tă kơ bơngai nuih gơh hơgei ngăl, lu sư đei minh-rơbâu tơpơh-hrĕng 'nu; lu sư wei-lăng pơgơ̆r kon pơlei Isơrael gah bơmơ̆t kơ đak Krong Jôrđăn, wei-lăng tơdrong jang Kră Yang kư̆m bơ̆jang tơgŭm pơtao.

I Ho 26:32

Jêrija đei 'bar-rơbâu tơpơh-hrĕng 'nu 'nhŏng oh sư, nuih gơh hơgei pơm yŏng kơdră wei-lăng hnam dơnŏ 'bă; pơtao Đawit pôk lu sư wă kơ pơgơ̆r bơngai Rubên păng bơngai Gat păng kơ minh puăt bơngai Manase, lăm tơdrong jang Kră Yang 'Bok Kei-Dei păng tơdrong jang pơtao.

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

I Ho 6:11

Asaria pơjing Amaria; Amaria pơjing Ahitup

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 15:7

Mă-lei lu iĕm athei đei jơhngơ̆m nuih pran, ti lu iĕm 'nĕ pă rơdu achăng, yua kơ dôm tơdrong jang iĕm pơm gô đei yua.”

II Ho 19:6

Sư khan kơ lu 'bok sek tơlang: “Iĕm athei bơ̆jang mă pơ'lơ̆ng, yua kơ iĕm sek tơlang ưh kơ sĭ kơ sek kơ kon bơngai ôh, mă-lei kơ Kră Yang; Sư gô oei hơdai lu iĕm tơ rim wơ̆t wă sek tơlang.

II Ho 19:8

Lăm pơlei tih Jêrusalem Jêhôsaphat kư̆m chă rơih iŏk đơ̆ng lăm lu bơngai Lêwi, lu 'bok soi păng yŏng kơdră Isơrael wă kơ sek tơlang lu tơdrong pơjah pơjăng băl kiơ̆ tơdrong juăt Kră Yang. Lu sư oei bơ̆jang lăm pơlei tih Jêrusalem.

Esơra 7:5

Usi kon drŏ-nglo Buki, Buki kon Abisua, Abisua kon Phinêhas, Phinêhas kon drŏ-nglo Êlêasar, Êlêasar kon drŏ-nglo Arôn boih 'bok soi tơm.

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

Horiso 37:23

Kră Yang wei kơjăp boih rim yak, Păng Sư lăp đon kơ trong lu sư:

Tơdrông Pơđơk 2:20

Lei na ih athei yak kiơ̆ trong lu bơngai 'lơ̆ng, Păng wei kiơ̆ trong lu bơngai tơpăt.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Malachi 2:7

Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.

Luka 23:50

Đei minh 'nu bơngai đơ̆ng Pơlei Armơthê lăm dêh Juđê, anăn sư Yôsep, sư khŭl bơngai kră sek tơlang kơ đe ră mă-lei sư bơngai 'lơ̆ng tơpăt.

Jang 11:24

'Barna'ba sư bơngai 'lơ̆ng, sư lui kơjăp păng sư 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư ling-lang. Na hơtai ei đei lơ bơngai lui kơ Kră Yang Yêsu.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

Jôsuê 1:6

Ih Athei chơ̆n jơhngơ̆m nuih pran yua kơ ih gô chông ba lu kon pơlei pơla năm iŏk dêh char mă Inh đei pơkă boih wă ăn kơ lu 'bok iĕm.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.