II Ho 18:4 - Sơ̆p Hlabơar Nơ̆r 'Bok Kei-Dei

⁴ Jêhôsaphat kư̆m đei khan hăm pơtao Isơrael: “Mă-lei athei krao apinh Kră Yang adrol 'mơ̆i.”

II Ho 18:4 ပူးပေါင်းရင်းမြစ်များ

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

II Ho 18:3

Ahap pơtao đe Isơrael khan kơ Jêhôsaphat pơtao đe Juđa: “Ih hăm wă năm hăm inh tŏk blah pơlei Ramôt Gileat ưh?” Sư drơ̆ng: “Inh kư̆m thoi ih; kon pơlei inh kư̆m thoi kon pơlei ih; nhôn gô năm hơdai ih tŏk blah.”

II Ho 18:5

Pơtao Isơrael krao akŭm lu 'bok khan lê̆ adrol, đei puăn-hrĕng 'nu, na jet lu sư: “Lu bơ̆n hăm gơh năm blah pơlei Ramôt tơ Gileat dah ưh?” Lu sư tơl: “Năm tŏk blah bĕ; Kră Yang 'Bok Kei-Dei gô pơjao pơlei noh lăm ti ih, pơtao.”

II Ho 34:26

Roi bĕ kơ pơtao Juđa mă wơh ih năm krao apinh Kră Yang, dôm nơ̆r ih đei kơtơ̆ng 'nâu, Kră Yang Isơrael khan thoi noh.

Horiso 27:4

Inh đei apinh boih Kră Yang minh tơdrong, Tơdrong mă inh chơchă, Noh inh wă kơ đĭ chăl arih inh oei lăm hnam Kră Yang. Wă kơ lăng dôm tơdrong 'lơ̆ng tơpăt Kră Yang păng wă chă Sư tơ lăm Hnam Sư.

Je 21:2

“Apinh ih krao apinh bĕ Kră Yang tơgŭm lu nhôn, yua kơ Nebukatnessar pơtao đe Babilôn oei năm wang blah lu nhôn. Rŏ lăng băt Kră Yang pơm tơdrong mơsêh kơ nhôn kiơ̆ thoi tơdrong mơsêh Sư pơm sơ̆, pơm ăn kơ pơtao Babilôn kơdŭn weh đơ̆ng lu nhôn.”

Êsêkiên 20:3

“Ơ kon bơngai, khan bĕ kơ lu kră pơlei Isơrael: Kră Yang khan thoi âu: Hăm trŏ lu iĕm năm krao apinh Inh dah ưh? Kră Yang khan: Thoi Inh mă arih, Inh ưh kơ ăn lu iĕm krao apinh Inh.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.