II Ho 18:31 - Sơ̆p Hlabơar Nơ̆r 'Bok Kei-Dei

³¹ Wă lu yŏng linh hao gre aseh 'bôh Jêhôsaphat, na khan: “Noh boih pơtao Isơrael.” Na lu sư dăr wă blah sư. Jêhôsaphat krao ôr, Kră Yang dŏng pơklaih sư păng Kră Yang ăn kơ lu đe noh weh ataih đơ̆ng sư.

II Ho 18:31 ပူးပေါင်းရင်းမြစ်များ

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

II Ho 13:14

Wă lu linh Juđa 'bôh đei lu linh ayăt tơ gah anăp păng tơ gah rŏng, na lu sư ôr krao Kră Yang. Lu 'bok soi hlôm keng.

II Ho 13:15

Lu bơngai Juđa jreo năm tơ anăp tơblah. Kơplah lu kon pơlei Juđa jreo năm tơblah, Kră Yang 'Bok Kei-Dei blah pơrăm Jêrôbôam păng đĭ-đăng linh Isơrael 'bơ̆t anăp pơtao Abija păng bơngai Juđa.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 18:30

Pơtao Siri pơkă tơtă kơ lu yŏng linh hao gre aseh sư: “'Nĕ kơ blah bu hŏ mă 'lơ̆p, dah 'lŏ, mă-lei blah rĕng kơ minh 'nu pơtao Isơrael đĕch.”

II Ho 18:32

Wă lu yŏng linh hao gre aseh 'bôh boih noh ưh kơ trŏ kơ pơtao Isơrael, na lu sư kơdŭn tơ rŏng ưh pă druh blah dơ̆ng.

II Ho 26:7

Kră Yang 'Bok Kei-Dei tơgŭm sư kĕ jei blah lu kon pơlei Philistin, bơngai Arâp oei tơ lăm pơlei Gur Baal, klaih kơ noh lu bơngai Mêunit.

Esơra 1:1

Sơnăm blŭng-a lăm chăl Sirus, pơtao pơgơ̆r dêh char Phersia, Kră Yang wă pơsĭt nơ̆r Sư đei yua 'bơ̆r Jêrêmi đei khan, na Sư pơm ăn kơ jơhngơ̆m Sirus, pơtao Phersia ră roi jơ̆p-jang kơ teh đak sư kơdih păng kư̆m đei chih hla bơar tơjur nơ̆r sư thoi âu:

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Ne 1:11

Ơ Kră Yang! Apinh Ih pơgling đon mơ̆ng nơ̆r lu đĭch đam Ih krao apinh păng krao chă, lu bơngai mă đĭ jơhngơ̆m hli yom kơ Anăn Ih, năr âu apinh Ih tơgŭm ăn gơh đei tơdrong pŭn hiôk păng ăn kơ lu sư gơh đei tơdrong mơnat 'bơ̆t anăp bơngai âu. Kơplah ei kơnh inh gô pôk glơng kơchŏk tơdrô ăn kơ pơtao.

Horiso 118:13

Đei bơngai tơlơ̆ inh kơtang wă kơ inh pơ̆k; Mă-lei Kră Yang tơgŭm inh,

Horiso 34:7

Linh jang Kră Yang war tăp dăr kơ lu đe bu mă hli yom kơ Sư. Păng dŏng pơklaih lu sư.

Horiso 46:1

Kră Yang 'Bok Kei-Dei jơ̆ anih kơ'nơp păng tơdrong pran kơtang lu nhôn. Sư gôa tơgŭm hloi 'bơ̆t năr anat anot.

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 56:10

Inh gơnang kơ Kră Yang 'Bok Kei-Dei păng hơri bơnê kơ nơ̆r Sư. Inh gơnang kơ Kră Yang păng hơri bơnê kơ nơ̆r Sư.

Horiso 94:17

Dah Kră Yang ưh kơ đei dŏng tơgŭm inh, Lei bơhngol inh oei boih tơ lăm bơsat.

Le 14:10

Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang.

Tơdrông Pơđơk 16:7

Dah chăl arih bơngai bu pơhiôk Kră Yang, Na Kră Yang kư̆m ăn lu ayăt oei hiôk hăm sư.

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.