II Ho 18:3 - Sơ̆p Hlabơar Nơ̆r 'Bok Kei-Dei

³ Ahap pơtao đe Isơrael khan kơ Jêhôsaphat pơtao đe Juđa: “Ih hăm wă năm hăm inh tŏk blah pơlei Ramôt Gileat ưh?” Sư drơ̆ng: “Inh kư̆m thoi ih; kon pơlei inh kư̆m thoi kon pơlei ih; nhôn gô năm hơdai ih tŏk blah.”

II Ho 18:3 ပူးပေါင်းရင်းမြစ်များ

I Pot 22:4

Pơtao khan kơ Jêhôsaphat: “Ih hăm wă blah iŏk Pơlei Ramôt Gileat hơdai hăm inh ưh?” Jêhôsaphat tơl pơtao đe Isơrael: Inh kư̆m thoi ih, kon pơlei pơla inh kư̆m thoi kon pơlei pơla ih, aseh inh kư̆m thoi aseh ih mơ̆n.”

I Pot 4:13

Ben Gêber wei-lăng pơlei Ramôt Gileat, sư wei-lăng đĭ pơlei Jair kon drŏ-nglo Manase lăm char Gileat, sư kư̆m wei-lăng hloi pơlei Argôp lăm dêh char Basan, tơdrâu-jĭt tŏ pơlei tih đei dur man tăp dăr, 'măng dur chơkăl sư pơm păng kong.

II Pot 3:7

Sư wơh lu bơngai năm roi tơbăt ăn kơ Jêhôsaphat pơtao dêh Juđa khan: “Pơtao Môap tơblah hăm inh bơih, ih hăm gơh ưh ba năm blah lu bơngai Môap noh? Jêhôsaphat tơl: “Inh gô năm; inh kư̆m dang ih, kon pơlei inh kư̆m dang kon pơlei ih, aseh inh kư̆m dang aseh ih mơ̆n.”

II Ho 18:2

Dang 'bar pêng năr đơ̆ng rŏng sư jur năm ngôi tơ Ahap tơ pơlei Samari, Ahap đei 'bet sa lơ triu rơmo et sa hăm Jêhôsaphat hăm lu bơngai kiơ̆ sư, na pơthơr sư tŏk blah lu kon pơlei Ramôt Gileat.

II Ho 18:4

Jêhôsaphat kư̆m đei khan hăm pơtao Isơrael: “Mă-lei athei krao apinh Kră Yang adrol 'mơ̆i.”

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Horiso 139:21

Ơ Kră Yang, Inh ưh kơ areh kơ lu bơngai mă areh kơ Ih hă? Ưh kơ areh krưp hă lu bơngai iung blah Ih?

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.