II Ho 18:19 - Sơ̆p Hlabơar Nơ̆r 'Bok Kei-Dei

¹⁹ Kră Yang jet: ‘Bu gô năm pơhlŭ Ahap, pơtao Isơrael, năm tŏk blah Ramôt tơ Gileat na gô lôch tơ noh?’ Đei mơ'nah pơma thoi âu mơ'nah khan thoi noh.

II Ho 18:19 ပူးပေါင်းရင်းမြစ်များ

I Pot 22:20

Kră Yang jet: ‘Bu gô năm pơhlŭ Ahap, wă kơ sư tŏk tơ Pơlei Ramôt Gileat, na pơ̆k lôch tơ noh?’ Đei mơ'nah tơl khan thoi âu, đei mơ'nah khan thoi noh.

I Pot 4:13

Ben Gêber wei-lăng pơlei Ramôt Gileat, sư wei-lăng đĭ pơlei Jair kon drŏ-nglo Manase lăm char Gileat, sư kư̆m wei-lăng hloi pơlei Argôp lăm dêh char Basan, tơdrâu-jĭt tŏ pơlei tih đei dur man tăp dăr, 'măng dur chơkăl sư pơm păng kong.

II Ho 18:18

Mikaia pơma dơ̆ng: “Thoi ei mơ̆ng bĕ nơ̆r Kră Yang khan: Inh 'bôh Kră Yang hơ-oei tơ kơpal tang-dŏ pơtao Sư, lu linh jang đĭ-đăng dơ̆ng kơkuh 'bar pah gah 'ma păng gah 'ngiĕo.

II Ho 18:20

Blư đei minh 'nu yang lĕch năm dơ̆ng 'bơ̆t anăp Kră Yang khan: ‘Inh năm pơhlŭ sư.’ Kră Yang jet. ‘Ih pơhlŭ liơ?’

II Ho 18:21

Yang noh tơl: “Inh gô năm pơm thoi minh 'nu yang pơma hơlĕnh lăm 'bơ̆r lu 'bok khan lê̆ adrol sư.” Kră Yang khan: “Trŏ boih, ih gơh năm pơhlŭ sư. Năm bĕ pơm thoi nơ̆r ih khan.”

II Ho 25:19

Ih khan: Lăm to inh blah iŏk boih char Eđôm na jơhngơ̆m ih pơrŏ pơang pơư kơdih akâu. Dang ei oei bĕ hnam, liơ wă pơrăm kơdih akâu păng dêh char Juđa kư̆m răm kiơ̆?”

II Ho 25:8

Dah ih kiơ̆ trong 'nâu mă tơblah pran kơtang Kră Yang 'Bok Kei-Dei gô ăn kơ ih thuơ 'bơ̆t anăp lu ayăt kơ ih yua kơ Kră Yang 'Bok Kei-Dei gơh tơgŭm kĕ jei, kư̆m gơh ăn thuơ.”

Jop 12:16

Tơdrong pran kơtang păng hơgei lăm Sư. Lăm Sư ngăl lu bơngai wơ̆l jrok păng lu bơngai mă pơm kơ đe wơ̆l jrok,

Tơdrông Pơđơk 11:5

Lu bơngai tơpăt 'lơ̆ng gô dơ̆ng tơpăt lăm trong lu sư, Mă-lei lu bơngai kơnê̆ gô pơ̆k huŏng lăm tơdrong kơnê̆ lu sư.

Êsai 54:16

'Nâu, Inh bơih pơjing bơngai hơjơ̆m dơhlu ŭnh soh ngar păng hơjơ̆m tơmam tơblah wă yua; păng kư̆m đơ̆ng Inh bơih pơjing lu bơngai chă pơrăm. Wă chă pơm tơdrong pơrăm.

Êsêkiên 14:9

“Tơdah đe pơhlŭ bơngai khan lê̆ adrol na sư khan lê̆ adrol pơma minh nơ̆r ayơ noh, Inh boih Kră Yang lê̆ kơ đe pơhlŭ bơngai khan lê̆ adrol noh, păng Inh gô yơ̆r ti pơm plơ̆ kơ sư păng pơlôch pơrăm lê̆ sư đơ̆ng lăm kon pơlei Isơrael Inh.