Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Ho 18:13 - Sơ̆p Hlabơar Nơ̆r 'Bok Kei-Dei

13 Mă-lei Mikaia khan: “Kiơ̆ kơ thoi Kră Yang arih ling-lang, Kră Yang 'Bok Kei-Dei inh khan liơ, inh gô pơma thoi noh.”

အခန်းကိုကြည့်ပါ။ ကော်ပီ




II Ho 18:13
17 ပူးပေါင်းရင်းမြစ်များ  

Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”


Bơngai năm krao Mikaia khan kơ sư; Âu, lu 'bok khan lê̆ adrol lu sư pơma minh pôm nơ̆r, gô jei ih, pơtao; apinh ih kư̆m pơma 'lơ̆ng thoi lu sư kơ pơtao.


Wă sư truh tơ pơtao, pơtao apinh sư: “Ơ Mikaia lu bơ̆n hăm gơh năm blah Ramôt tơ Gileat, dah ưh?” Sư tơl: “Năm blah bĕ, gô jei ih; sư gô jao pơlei noh lăm ti ih.”


Bơngai khan lê̆ adrol ayơ đei apo 'bôh, roi bĕ tơdrong sư apo, na bơngai bu mă đei iŏk boih nơ̆r đơ̆ng Inh ră roi bĕ mă tơpăt!” Kră Yang khan: Hơnong 'ba hăm gơh yua tơplih kơ găr 'ba?


Jêrêmi bơngai khan lê̆ adrol tơl: “Inh kơtơ̆ng boih, 'nâu, inh gô krao apinh Kră Yang 'Bok Kei-Dei lu iĕm, wă kơ băt tơdrong kiơ Kră Yang bơtho khan, inh gô roi ăn kơ lu iĕm băt, ưh kơ đei ôn ôh.”


Ih athei khan nơ̆r Inh âu kơ lu sư, mă lu sư mơ̆ng dah ưh, yua kơ lu sư jing adrĕch adrung ayăt.


Linh jang Kră Yang khan kơ Balaam thoi âu: Yak năm hơdai bĕ lu đe noh, mă-lei ih wă pơma kiơ ih athei mơ̆ng kơ inh athei pơma. Balaam sư yak năm hơdai lu kră pơgơ̆r đơ̆ng pơtao Balak wơh.


Balaam tơl: Inh athei pơma dôm nơ̆r mă Kră Yang đei ăn boih nơ̆r pơma lăm 'bơ̆r inh?


Balaam tơl Balak khan: Inh ưh tam mă khan kơ ih hă: Inh athei pơm kiơ̆ dôm tơdrong Kră Yang gô khan athei.


Mă khan Balak ăn kơ inh hnam sư 'bĕnh kơ hu 'maih, inh kư̆m ưh kơ lê̆ ôh nơ̆r đơ̆ng Kră Yang tơtă athei, wă pơm tơdrong trŏ 'lơ̆ng dah kơnê̆ mơ̆ng kơ inh kơdih wă; inh athei pơma dôm tơdrong kiơ mă Kră Yang đei khan!


Tơdrong sa et 'blŏk hơdơ̆r kơ Yêsu 'noh, inh kơtơ̆ng đơ̆ng tơ'ngla Yêsu Krist tơpă păng inh kư̆m roi ăn boih kơ iĕm tơdrong 'noh đơ̆ng sơ̆ thoi âu: Măng đe wă rôp Yêsu sơ̆, tơ'ngla Kră Yang Yêsu Krist iŏk 'bĕng mi,


Nhôn ưh kơ sĭ pơm thoi lơ 'nu bơngai bơtho hơlĕnh tơdrong 'Bok Kei-Dei wă kơ gơh iŏk sa tơmam đe ôh. Nhôn bơngai 'Bok Kei-Dei wơh jang tơdrong Sư, na nhôn bơtho tơdrong Sư tơpăt ngăl ling-lang yua kơ Sư băt tôm tơdrong. Na nhôn gơnang kơ Yêsu Krist tơgŭm nhôn bơtho.


Inh pơma thoi noh kon bơngai ưh kơ lăp đon ôh. Mă-lei inh wă kơ 'Bok Kei-Dei lăp đon kơ tơdrong jang inh. Dah inh wă kơ kon bơngai lăp đon kơ inh đĕch lei ưh kơ sĭ inh jang tơdrong Yêsu Krist ôh.


Sơ̆ 'Bok Kei-Dei pơlong nhôn, na ăn kơ nhôn bơtho tơdrong 'nao 'lơ̆ng Sư. Yua kơ thoi noh na nhôn bơtho iĕm. Nhôn bơtho tơdrong Sư, ưh kơ sĭ wă kơ kon bơngai lăp đon kơ nhôn ôh. Nhôn wă kơ 'Bok Kei-Dei lăp đon kơ nhôn. Nhôn bơtho tơdrong Sư, ưh kơ sĭ thoi kon bơngai tơchĕng 'maih ôh, nhôn bơtho kiơ̆ thoi 'Bok Kei-Dei wă. 'Bok Kei-Dei pơlong lăng nhôn ling-lang wă băt kơ nhôn pơm trŏ dah ưh.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ