II Ho 17:6 - Sơ̆p Hlabơar Nơ̆r 'Bok Kei-Dei

⁶ Sư đei jơhngơ̆m hiôk kơjăp kiơ̆ trong Kră Yang; kư̆m oei đei pơrăm lê̆ lu anih kơjung păng lu rup yang Asêra lăm char Juđa.

II Ho 17:6 ပူးပေါင်းရင်းမြစ်များ

I Pot 22:43

Sư năm kiơ̆ trong gơlong Asa, 'bă sư ưh kơ weh trong nai, sư pơm 'lơ̆ng tơpăt 'bơ̆t anăp Kră Yang.

II Ho 14:2

Asa oei arih 'lơ̆ng păng pơm tơpăt 'bơ̆t anăp Kră Yang 'Bok Kei-Dei sư;

II Ho 14:3

Sư yuih hŭt lê̆ đĭ chơnang soi kơkuh kơ lu yang bơngai tơmoi păng tơ lăm anih kơjung, sư teh pơchah đĭ lu jrăng gơ̆ng soi păng kăl tơlơ̆ lê̆ rup yang drŏ-kăn Asêra.

II Ho 15:17

Mă lu anih tơ kơpal kơjung lu bơngai Isơrael sư ưh kơ đei pơrăm ôh; lei ră, jơhngơ̆m Asa oei arih 'lơ̆ng hăm Kră Yang lăm đĭ chăl arih sư.

II Ho 19:3

Mă-lei lăm ih kư̆m đei tơdrong 'lơ̆ng, ih đei pơrăm lê̆ boih lu gơ̆ng rup yang Asêra đơ̆ng lăm char ih păng ih kư̆m đei pơkă wă chă Kră Yang 'Bok Kei-Dei!”

II Ho 20:33

Mă-lei sư ưh tam mă pơrăm ôh anih kơjung păng kon pơlei ưh tam mă jao jơhngơ̆m kơ Kră Yang 'bok lu sư.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

Jop 22:26

Kơplah 'noh, ih gô đei tơdrong hiôk rơnŭk lăm Kră Yang Tih Hloh, ih gô hiôk ngơk muh măt tơ Kră Yang 'Bok Kei-Dei.

Horiso 119:1

Pŭn dêh kơ lu đe bu mă pơm 'lơ̆ng đe huay kơ chrih lăm trong sư yak. Arih kiơ̆ khôi juăt Kră Yang.

Horiso 138:5

Lu sư gô hơri bơnê kơ trong Kră Yang. Yua kơ tơdrong ư-ang 'lơ̆ng rŏ Kră Yang tih-tin tơpă.

Le 34:13

Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Both 28:47

Kơplah đei mŭk tơmam rơkah rơkai, iĕm ưh tam lăp đon jơhngơ̆m hiôk bơ̆jang kơ Kră Yang 'Bok Kei-Dei.