II Ho 17:4 - Sơ̆p Hlabơar Nơ̆r 'Bok Kei-Dei

⁴ mă-lei chơchă Kră Yang 'bă sư pơm kiơ̆ wei răk nơ̆r Kră Yang tơtă, ưh kơ pơm kiơ̆ ôh thoi lu bơngai Isơrael pơm.

II Ho 17:4 ပူးပေါင်းရင်းမြစ်များ

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 12:30

Tơdrong noh jing tơdrong yoch, lu kon pơlei pơla năm tơ pơlei Đan kơkuh kơ minh pôm rup yang rơmo tơ noh.

I Pot 12:33

Sư năm tơ chơnang soi đêl sư pơm boih tơ pơlei Bethel. Lăm năr mơjĭt-pơđăm khei tơhngam, khei mă sư rơih kơdih, sư pơjing minh năr phĕt ăn kơ lu bơngai Isơrael, na sư năm tŏk tơ chơnang soi wă soh tơmam 'bâu phu.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

II Pot 17:19

Khŭl Juđa kư̆m lei-lăi ưh kơ chu răk dôm nơ̆r Kră Yang 'Bok Kei-Dei lu sư tơtă mơ̆n; na lu sư pơm kiơ̆ tơdrong juăt mă lu bơngai Isơrael chă pơjing kơdih.

II Pot 8:18

Sư năm kiơ̆ trong lu pơtao Isơrael, lei-lăi thoi pơtao Ahap pơm bơih yua kơ akăn sư 'noh kon pơtao Ahap. Sư pơm kơnê̆ 'bơ̆t anăp Kră Yang.

II Ho 14:6

Sư đei man pơjing lu pơlei kơjăp lăm char Juđa, yua kơ lăm dôm sơnăm sư pơgơ̆r dêh char sư đei hiôk-hian ưh kơ đei tơblah, Kră Yang ăn hiôk-hian kơ sư.

II Ho 17:3

Kră Yang oei hơdai hăm Jêhôsaphat, yua kơ sư yak kiơ̆ trong 'bok Đawit, ưh kơ kiơ̆ yang Baal ôh,

II Ho 21:12

Êli bơngai khan lê̆ adrol chih hla bơar ăn kơ Jêhôram, khan: “Kră Yang 'Bok Kei-Dei Đawit, 'bok ih, khan: ‘Yua kơ ih ưh kơ yak kiơ̆ kơ trong Jêhôsaphat 'bă ih păng kư̆m ưh kơ kiơ̆ trong Asa, pơtao Juđa,

II Ho 22:9

Sư kư̆m chă Ahasia oei kơdâu ôn lăm pơlei Samari; đe rôp, chông ba sư tơ Jêhu, đơ̆ng noh pơlôch sư. Đe 'bŭ sư; “Yua kơ đe khan, sư kon drŏ-nglo Jêhôsaphat, bơngai mă chă Kră Yang hăm đĭ jơhngơ̆m. “Lăm adrĕch Ahasia ưh pă đei bu dơ̆ng pơgơ̆r pơtrơp pơm pơtao lăm char sư.

II Ho 27:6

Thoi noh Jôtham jing pran kơtang, yua kơ sư năm kiơ̆ trong tơpăt 'bơ̆t anăp Kră Yang 'Bok Kei-Dei sư.

II Ho 29:2

Sư pơm tơdrong 'lơ̆ng tơpăt 'bơ̆t anăp Kră Yang thoi Đawit 'bok sư đei pơm boih.

II Ho 34:2

Sư pơm 'lơ̆ng 'bơ̆t anăp Kră Yang, kiơ̆ trong Đawit, 'bok sư, ưh kơ weh gah 'ngiĕo dah gah 'ma.

Hôsia 4:15

Ơ bơngai Isơrael, ih pơm pơyô kư̆ kă dêh, ơ bơngai Juđa kơchăng bĕ 'nĕ kơ pơm yoch thoi sư, 'nĕ kơ mơ̆t tơ anih Gilgal, kư̆m 'nĕ tŏk tơ pơlei Bêt Awen; 'nĕ pơkă hiap kơdih akâu khan. Tơpă mă thoi Kră Yang arih.

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

I Tes 2:12

Thoi noh na nhôn pơlung iĕm wă kơ iĕm pơm kiơ̆ kơ 'Bok Kei-Dei wă. 'Bok Kei-Dei iŏk iĕm wă ăn kơ iĕm mơ̆t tơ dêh char 'lơ̆ng rŏ Sư ning-mônh.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.