II Ho 17:2 - Sơ̆p Hlabơar Nơ̆r 'Bok Kei-Dei

² Sư chă dan lê̆ lu linh tơ lăm rim pơlei mă đei pơm kơjăp lăm char Juđa, pơm kơđông kơjăp lăm char Juđa păng lăm pơlei char Êphraim mă pơtao Asa 'bă sư đei blah iŏk.

II Ho 17:2 ပူးပေါင်းရင်းမြစ်များ

II Ho 11:5

Rêhôbôam oei lăm pơlei Jêrusalem pơdơ̆ng pơjing pơlei tih kơjăp lăm char Juđa.

II Ho 13:19

Abija druh blah Jêrôbôam păng blah iŏk lu pơlei tih Bethel păng lu pơlei iĕ sư pơlei Jesana păng lu pơlei iĕ sư, pơlei tih Êphrôn păng lu pơlei iĕ sư.

II Ho 15:8

Wă Asa kơtơ̆ng boih nơ̆r 'nâu păng nơ̆r khan lê̆ adrol đơ̆ng Asaria kon drŏ-nglo Ôdet, jơhngơ̆m sư hiôk na sư nuih pơ̆n pơrăm lê̆ đĭ lu rup yang kơnê̆ đơ̆ng lăm jơ̆p kơ Juđa păng Bênjamin, hăm đơ̆ng lăm lu pơlei mă đêl lu sư 'nao blah iŏk tơ kơpal kông groi Êphraim; sư pơdơ̆ng hơmet chơnang soi Kră Yang 'bơ̆t anăp kơdeng hnam Kră Yang.

II Ho 17:19

Lu đe âu bơ̆jang tơgŭm pơtao, 'nguaih kơ lu sư pơtao kư̆m dan lu bơngai nai lăm lu pơlei tih kơjăp tơ jơ̆p lăm dêh char Juđa.

II Ho 17:3

Kră Yang oei hơdai hăm Jêhôsaphat, yua kơ sư yak kiơ̆ trong 'bok Đawit, ưh kơ kiơ̆ yang Baal ôh,