II Ho 17:19 - Sơ̆p Hlabơar Nơ̆r 'Bok Kei-Dei

¹⁹ Lu đe âu bơ̆jang tơgŭm pơtao, 'nguaih kơ lu sư pơtao kư̆m dan lu bơngai nai lăm lu pơlei tih kơjăp tơ jơ̆p lăm dêh char Juđa.

II Ho 17:19 ပူးပေါင်းရင်းမြစ်များ

II Ho 11:12

Tơ lăm rim pơlei sư đei tah đao hơlă, khêl wă pơm ăn kơ pơlei noh kơjăp tơpă, lei sư wei pơgơ̆r char Juđa hăm char Bênjamin.

II Ho 11:23

Rêhôbôam sư hơgei klah song ăn kơ lu kon drŏ-nglo sư oei tơ jơ̆p-jang kơ char Juđa păng char Bênjamin, tơ lăm lu pơlei kơjăp, asong ăn kơ lu sư tơmam sa rơkah rơkai; chă ăn kơ lu sư akăn lơ.

II Ho 17:12

Jêhôsaphat jing rai tih rai pran tŏk ling-lang, sư pơm anih kơđông linh kơjăp păng đei lu hnam mong tơmam tơ lu pơlei lăm char Juđa.

II Ho 17:18

yŏng mă 'bar noh Jêhôsabat sư pơgơ̆r đei minh-hrĕng tơhngam-jĭt rơbâu 'nu linh chĕp hơmăt tơmam tơblah hơdai hăm Sư.

II Ho 17:2

Sư chă dan lê̆ lu linh tơ lăm rim pơlei mă đei pơm kơjăp lăm char Juđa, pơm kơđông kơjăp lăm char Juđa păng lăm pơlei char Êphraim mă pơtao Asa 'bă sư đei blah iŏk.

II Ho 33:14

Đơ̆ng rŏng kơ lu tơdrong noh, sư man tơiung ming dur đaih Pơlei Đawit, gah bơmơ̆t kơ tu đak Gihôn lăm Thŭng truh tơ 'Măng Jang Ka, dăr kơ Ôphel, sư man dur kơjung hloh, ăn kơ lu yŏng linh wei tơ lăm rim pơlei kơjăp lăm char Juđa.