II Ho 17:12 - Sơ̆p Hlabơar Nơ̆r 'Bok Kei-Dei

¹² Jêhôsaphat jing rai tih rai pran tŏk ling-lang, sư pơm anih kơđông linh kơjăp păng đei lu hnam mong tơmam tơ lu pơlei lăm char Juđa.

II Ho 17:12 ပူးပေါင်းရင်းမြစ်များ

I Ho 29:25

Kră Yang pơm ăn kơ Sôlômôn đei pơyom 'bơ̆t anăp đĭ-đăng kon pơlei Isơrael; Sư ăn kơ dêh char Sôlômôn pơtao 'lơ̆ng rŏ hơbŏ krưp, ưh tam đei minh 'nu pơtao Isơrael ayơ adrol kơ sư mă đei thoi noh.

II Ho 17:11

Lu bơngai Philistin chĕp jên hu tơmam năm ba pơyơ̆r ăn kơ Jêhôsaphat, lu bơngai Arâp kư̆m lei-lăi năm ba pơyơ̆r ăn tơpơh-rơbâu tơpơh-hrĕng tŏ triu tơno păng tơpơh-rơbâu tơpơh-hrĕng tŏ bơbe tơno.

II Ho 17:13

Sư đei mong mŭk tơmam lơ lăm char Juđa, sư đei lu linh nuih pran kơtang lăm pơlei tih Jêrusalem.

II Ho 18:1

Jêhôsaphat mơdrŏng tih đei đe ư-ang pơyom, năm pơm pô̆ 'băn ăn băl kon hăm Ahap.

II Ho 26:10

Sư kư̆m pơm lơ hnam thôt tơ lăm tơmăn glă păng đei sir sơlŭng đak, yua kơ sư đei sem dơrong tơ kơpal groi tơ lăm thŭng glă; kư̆m đei lơ bơngai pơm mir, pơgar hơmu tơ kơpal kông groi păng tơ teh mơ̆r, pơtao sư 'maih jang mir 'ba.

II Ho 27:4

Sư kư̆m đei man pơjing lu pơlei lăm tơring groi kông char Juđa păng pơm pơjing lu kơđông linh lu hnam thôt tơ lăm 'long kơdrơ̆ng.

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

Le 1:11

Lei na pơtao ăn bơngai Êyiptơ wei-lăng tơdrong jang chă athei lu sư, wă rôp pơgŏ ăn tơdrong jang gleh trăp kơ kon pơlei Isơrael; lu sư man pơm pơlei Phithom păng Ramse wă pơm hnam tah mong tơmam kơ Pharaôn.