II Ho 16:9 - Sơ̆p Hlabơar Nơ̆r 'Bok Kei-Dei

⁹ Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

II Ho 16:9 ပူးပေါင်းရင်းမြစ်များ

Bl 31:28

Na 'nâu ih tă tơ pơm kơtul dêh thoi noh, pă ăn inh chă chŭm hơ-on lu sâu drŏ-nglo drŏ-kăn mih.

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

I Pot 15:32

Asa pơtao đe Juđa păng Baasa pơtao Isơrael tơblah băl hơnơ̆ng truh đĭ chăl arih bre sư.

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

I Ho 21:8

Đawit hơdrĭ 'bơ̆t anăp Kră Yang 'Bok Kei-Dei na khan: “Inh pơm yoch tih dêh bơih inh pơm tơdrong âu. Apinh ih 'nĕ jô̆ kơ tơdrong yoch đơ̆ng đĭch đam Ih, yua kơ inh pơm hăm tơdrong kơhlôh dêh.”

II Ho 15:17

Mă lu anih tơ kơpal kơjung lu bơngai Isơrael sư ưh kơ đei pơrăm ôh; lei ră, jơhngơ̆m Asa oei arih 'lơ̆ng hăm Kră Yang lăm đĭ chăl arih sư.

II Ho 15:19

Ưh pă đei tơblah boih dĭng truh tơ sơnăm mă pêng-jĭt pơđăm lăm chăl sư pơgơ̆r.

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

II Ho 19:9

Sư tơtă kơ lu sư: “Lu iĕm athei hli yom kơ Kră Yang, iŏk jơhngơ̆m 'lơ̆ng tơpăt hơnơ̆ng păng bơ̆jang hăm đĭ jơhngơ̆m.

II Ho 6:20

Apinh măt Ih lăng păng wei hnam âu măng păng năr, hnam âu Ih đei khan boih ih gô 'măn Anăn Ih tơ noh. Apinh Ih mơ̆ng lu đĭch đam Ih krao apinh Ih tơ gah anih âu.

Esơra 5:5

Mă-lei Kră Yang 'Bok Kei-Dei wei-lăng lu kră pơgơ̆r kon pơlei Juđa, thoi noh lu đe noh ưh kơ đei gơh pơgăn, gô chih roi tơdrong noh kơ pơtao Đarius băt, gô mơ̆ng kơ pơtao chih tơjur ăn thoi yơ.

Jop 28:24

Yua kơ Sư lăng 'bôh tôch kơ teh, Păng 'bôh nhen jơ̆p kơpal teh đak ala plĕnh.

Jop 31:4

Hăm trŏ Sư 'bôh trong inh yak, Păng jô̆ dôm inh yak nơnăm?

Jop 34:21

Măt Kră Yang 'Bok Kei-Dei răp lăng tơ trong kon bơngai, Sư lăng 'bôh dôm yak.

Horiso 113:6

Sư nger lăng plĕnh păng teh

Horiso 33:14

Sư lăng đơ̆ng anih Sư oei. Tơ đĭ-đăng bơngai oei lăm teh đak,

Horiso 33:15

Sư pơjing jơhngơ̆m kon bơngai, Sư lăng đĭ dôm tơdrong lu sư pơm.

Horiso 33:18

To măt Kră Yang lăng tơ lu bơngai mă hli yom kơ sư păng chang gô tơdrong 'mêm mơnat.

Horiso 34:15

Măt Kră Yang lăng tơ lu bơngai tơpăt. Đon Sư mơ̆ng nơ̆r lu đe noh krao apinh.

Horiso 37:37

Lăng bĕ tơ lu bơngai 'lơ̆ng păng lăng lu bơngai tơpăt; Yua kơ tuch-luch lu bơngai tơpăt gô đei tơdrong hiôk-hian.e

Tơdrông Pơđơk 15:3

Măt Kră Yang 'bôh jơ̆p-jang anih, Oei lăng lu bơngai kơnê̆ păng lu bơngai 'lơ̆ng.

Tơdrông Pơđơk 5:21

Yua kơ trong kon bơngai yak hơdah 'bơ̆t anăp Kră Yang; Sư lăng đĭ trong lu sư yak.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Je 16:17

Măt Inh oei kiơ̆ lăng trong lu sư yak; ưh kơ đei hlơp kơ Inh ôh. Tơdrong yoch kơnê̆ lu sư kư̆m ưh kơ gơh ôn đơ̆ng măt Inh.

Je 32:19

Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Je 5:1

“Kơdâu chă lăng bĕ jơ̆p kơ trong lăm pơlei tih Jêrusalem Athei chă lăng păng răk lăm đon, Chă lăng tơ jơ̆p anih đe juăt adrŭm. Chă lăng hăm đei minh 'nu bơngai pơm 'lơ̆ng tơpăt, 'maih chă tơdrong 'lơ̆ng, wă kơ Inh mơnat ăn kơ pơlei tih Jêrusalem?

Je 5:21

Mơ̆ng bĕ tơdrong 'nâu, ơ kon pơlei bơlŭk păng kơhlôh kơwao. Đei măt ră mă-lei ưh kơ 'bôh, đei đon ră mă-lei ưh kơtơ̆ng.

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Sa 4:10

Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Luka 12:20

Mă-lei 'Bok Kei-Dei khan kơ bơngai ei: ‘Ơ bơngai kơhlôh, măng kơnh boih Inh wă iŏk Bơhngol ih, đơ̆ng noh na ih lôch hloi măng kơnh. Mŭk tơmam ih wă ăn ngôi kơ đe iŏk đĕch.’ ”

I Kor 15:36

Bơngai bu jet thoi noh bơngai 'noh sư ưh kơ hlôh ôh. Bơ̆n rei adrĕch tơ teh, sư lôch 'mơ̆i klaih kơ noh sư gô chăt.

Galati 3:1

Ơ bơngai Galati, iĕm ưh kơ hlôh tơpă iih, iĕm lui kiơ̆ kơ đe pơtuah iĕm? Sơ̆ nhôn bơtho iĕm nhên tơpă boih gah tơdrong Kră Yang Yêsu Krist lôch tang iĕm tơ 'long pơglang.

Hêbrơ 4:13

Ưh kơ đei tơdrong kiơ mă hlơp kơ 'Bok Kei-Dei tơ'ngla mă sek tơlang bơ̆n, Sư 'bôh nhên tôm tơdrong kon bơngai pơm.

I Pet 3:12

Yua kơ 'Bok Kei-Dei wei-lăng lu bơngai 'lơ̆ng ling-lang, păng mơ̆ng tơdrong lu sư krao khan; gah lu bơngai pơm kơnê̆, 'Bok Kei-Dei hil dêh.”

I Sam 13:13

Samuel khan kơ Sôl: Ih ưh kơ wao tơpă, ưh kơ chu nơ̆r Kră Yang 'Bok Kei-Dei ih đei tơtă khan lê̆ bơih. Tơdah ih đei chu kiơ̆ nơ̆r Sư, lei Kră Yang gô pơjing dêh char ih kơjăp ling-lang lăm Isơrael;