II Ho 16:7 - Sơ̆p Hlabơar Nơ̆r 'Bok Kei-Dei

⁷ Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

II Ho 16:7 ပူးပေါင်းရင်းမြစ်များ

I Pot 15:19

“Ba athei pơgơ̆p băl, thoi 'bă ba đei pơgơ̆p băl sơ̆; 'nâu tơmam hu, maih inh pơyơ̆r gơih ăn kơ ih. Dang ei ih athei sut lê̆ đĭ đêl ih pơgơ̆p hăm Baasa pơtao Isơrael, wă kơ sư weh ataih đơ̆ng inh.”

I Pot 16:1

Đei nơ̆r Kră Yang tơbăt kơ Jêhu, kon drŏ-nglo Hanani nơ̆r noh tơblah hăm Baasa:

I Pot 16:7

Đei dơ̆ng nơ̆r Kră Yang khan kơ Jêhu 'bok khan lê̆ adrol, kon Hanani, nơ̆r noh blah Baasa păng adrĕch sư, yua kơ tơdrong yoch kơnê̆ mă sư đei pơm 'bơ̆t anăp Kră Yang, păng tơblĕk Kră Yang hăm tơdrong sư pơm, sư pơm rok thoi adrĕch hnam Jêrôbôam păng yua kơ sư pơlôch pơrăm adrĕch hnam noh.

II Pot 18:5

Hesekia gơnang kơ Kră Yang 'Bok Kei-Dei đe Isơrael; lei na lu pơtao đơ̆ng rŏng kơ sư, dah lăm lu pơtao adrol kơ sư, ưh kơ đei bu thoi sư.

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

II Ho 13:18

Thoi noh, kơplah noh, lu linh Isơrael thuơ răm, jei lu linh păng kon pơlei Juđa, yua kơ lu sư gơnang kơ Kră Yang 'Bok Kei-Dei yă 'bok lu sư.

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 16:6

Pơtao Asa akŭm đĭ bơngai Juđa; lu sư năm iŏk đĭ lu tơmo, tơ̆r 'long mă đêl Baasa đei pơm pơjing pơlei Rama; na Asa iŏk dôm lu tơmam noh pơdơ̆ng pơjing pơlei Gêba păng pơlei Mispa.

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

II Ho 20:32

Sư yak pơm kiơ̆ trong 'bă sư Asa, sư ưh kơ weh yak trong nai ôh; sư pơm 'lơ̆ng trŏ 'bơ̆t anăp Kră Yang.

II Ho 20:34

Dôm tơdrong jang nai Jêhôsaphat pơm đơ̆ng blŭng-a truh tơ tôch đei chih răk lăm sơ̆p hla bơar hơ'mon Jêhu, kon drŏ-nglo Hanani, tơdrong hơ'mon noh đei chih răk boih lăm sơ̆p hla bơar lu pơtao Isơrael.

II Ho 24:24

Khŭl linh Siri năm blah lăp tŏ sĕt đĕch ră, mă-lei Kră Yang jao boih lu linh lơ noh lăm ti lu sư, yua kơ lu bơngai Juđa achăng lê̆ Kră Yang 'Bok Kei-Dei 'bok lu sư. Na lu sư rôp sek tơlang Jôas.

Êsai 31:1

Răm-'băm dêh kơ lu đe năm jur tơ Êyiptơ wă chă apinh tơdrong dŏng tơgŭm, gơnang kơ lu aseh, lu gre aseh, yua kơ lu sư lơ; gơnang kơ lu linh hao gre aseh yua kơ lu sư pran, Mă-lei ưh pă lăng gơnang kơ Tơ'ngla 'Lơ̆ng Rơgoh đe Isơrael, păng ưh kơ chă Kră Yang dŏng Tơgŭm.

Êsai 32:2

Rim 'nu bơngai nhen thoi anih kơ'nơp kơ kial, thoi anih pĕng kơ hơbŭt, nhen glung đak ro lăm anih hrĕng kro, nhen thoi yơ̆p tơmo tih lăm teh đak kro krĕnh.

Êsai 39:3

Êsai bơngai khan lê̆ adrol năm tơ pơtao Hesekia păng jet sư: “Lu bơngai noh pơma yă kiơ hăm ih? Păng lu sư đơ̆ng yơ năm ngôi tơ ih?” Hesekia tơl khan: “Lu sư đơ̆ng dêh ataih truh tơ âu, đơ̆ng dêh char Babilôn.”