II Ho 16:3 - Sơ̆p Hlabơar Nơ̆r 'Bok Kei-Dei

³ “Bĕ ba pơgơ̆p hơdai ih hăm inh thoi bre 'bă ih hăm 'bă inh sơ̆. 'Nâu, inh gơih ăn kơ ih hu, maih. Apinh ih 'nĕ pă pơgơ̆p hăm Baasa pơtao Isơrael dơ̆ng, wă kơ sư weh đơ̆ng char inh.”

II Ho 16:3 ပူးပေါင်းရင်းမြစ်များ

II Sam 21:2

Bơngai Gibeôn ưh kơ trŏ gah adrĕch kon pơlei Isơrael, mă-lei lu sư adrĕch Amôrit mă oei oei. Bơngai Isơrael pơkă ưh kơ wă pơlôch lu sư, mă-lei pơtao Sôl yua kơ đei jơhngơ̆m lăp kơ lu adrĕch adrung Isơrael păng Juđa, lei na chă đon pơlôch lu sư. Na pơtao krao akŭm lu bơngai Gibeôn.

I Pot 15:16

Asa pơtao đe Juđa, Baasa pơtao đe Isơrael, bre sư tơblah băl hơnơ̆ng truh đĭ chăl arih bre sư.

II Ho 16:2

Asa iŏk hu maih đơ̆ng lăm hnam mong tơmam hnam Kră Yang păng đơ̆ng lăm hnam mong tơmam pơtao, gơih ăn kơ Ben Hadat, pơtao Siri, oei lăm pơlei Đamas păng khan:

II Ho 16:4

Ben Hadat mơ̆ng kiơ̆ pơtao Asa na wơh lu yŏng linh năm blah iŏk lu pơlei tih bơngai Isơrael; lu sư blah iŏk lu pơlei Ijôn, pơlei Đan, pơlei Abel Maim păng lu pơlei đei hnam mong tơmam char Naptali.

II Ho 18:3

Ahap pơtao đe Isơrael khan kơ Jêhôsaphat pơtao đe Juđa: “Ih hăm wă năm hăm inh tŏk blah pơlei Ramôt Gileat ưh?” Sư drơ̆ng: “Inh kư̆m thoi ih; kon pơlei inh kư̆m thoi kon pơlei ih; nhôn gô năm hơdai ih tŏk blah.”

II Ho 19:2

Jêhu kon drŏ-nglo Hanani, bơngai 'bôh adrol, lĕch năm sơng pơtao Jêhôsaphat păng khan: “Ih tơgŭm kơ lu bơngai pơm kơnê̆ păng 'mêm kơ lu bơngai areh kơ Kră Yang hă? Yua kơ noh, Kră Yang hil kơ ih.

Horiso 15:4

Sư areh kơ bơngai pơm kơnê̆, Mă-lei sư pơyom kơ lu bơngai mă chu yom kơ Kră Yang; Sư pơkă, ưh kơ đei tơplih ôh, mă khan đei tơdrong răm kơ akâu sư ră;

Le 32:21

Môis khan kơ Arôn: Kon pơlei đei pơm kiơ kơ ih na dĭng ih mah pơm ăn kơ kon pơlei pơla pơm yoch tih krưp thoi noh.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

II Tim 3:3

Sư ưh kơ băt 'mêm mơnat kơ bôl buăl ôh. Bơ̆n bơngai nai ưh kơ băt wă pơma lung sư thoi yơ dơ̆ng, yua kơ sư pơma bơbĭt dêh. Sư chă tơdrong kơnê̆ păng đe. Sư bơngai hơwĕng, sư ưh kơ wă pơm tơdrong 'lơ̆ng ôh, sư areh kơ bơngai 'lơ̆ng.

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?