II Ho 16:14 - Sơ̆p Hlabơar Nơ̆r 'Bok Kei-Dei

¹⁴ Đe 'bŭ sư lăm bơsat mă anih sư đei sir boih kơ sư kơdih lăm pơlei Đawit, đe tơ'bĭch lăm bong mă đe đei tah 'bĕnh kơ pơgang 'bâu phu, đe đei hơmet boih kiơ̆ kơ juăt pơm soh, đe soh 'long pơgang 'bâu phu tih dêh lăm năr grong noh.

II Ho 16:14 ပူးပေါင်းရင်းမြစ်များ

Bl 50:2

Đơ̆ng noh, Jôsep athei lu thây pơm pơgang tơgŭm jang kơ sư; yua pơgang 'bâu phu pik kơ atâu 'bă sư; lu 'bok pơgang tơhum akâu Isơrael.

Bl 50:5

'Bă inh pơkă kơ inh thoi âu: 'Nâu 'bă wă jê̆ lôch, kon athei 'bŭ 'bă tơ bơsat mă đei răt lê̆ boih lăm char Kanaan. Thoi noh dang ei inh athei tŏk tơ noh 'bŭ 'bă inh na inh gô jur dơ̆ng tơ âu.

II Sam 2:32

Lu sư tung akâu Asahel, 'bŭ hơdai hăm 'bă sư tơ pơlei Betlehem. Đơ̆ng noh, Jôap hăm lu linh kiơ̆ jơ̆ng sư năm prăt măng dĭng 'brưch pơgê truh tơ pơlei Hêbrôn.

II Ho 16:13

Asa lôch năm kiơ̆ 'bok sư, sư lôch sơnăm mă puăn-jĭt mônh lăm chăl sư pơgơ̆r.

II Ho 21:19

Lăm khei 'năr ei, 'bơ̆t wă jê̆ đĭ sơnăm mă 'bar klơm klak sư ôm lĕch tơ 'nguaih, sư lôch pơmat dêh; kon pơlei kư̆m ưh pă đei soh 'long 'bâu phu thoi 'bă sư.

II Ho 32:33

Hesekia lôch pơdơh hơdai hăm lu 'bok sư, đe 'bŭ sư tơ lăm bơsat kơpal groi lu kon sâu Đawit, đĭ-đăng bơngai Juđa păng kon pơlei Jêrusalem grong ư-ang kơ sư tih tơpă kơplah sư lôch Manase kon drŏ-nglo sư pơgơ̆r pơtrơp sư.

II Ho 35:24

Lu yŏng linh sư pôk iŏk sư đơ̆ng gre aseh sư, ba sư hăm gre aseh nai, na chơ ba sư brŏk tơ pơlei Jêrusalem. Sư lôch, đe 'bŭ sư hơdai hăm bơsat lu 'bok sư. Đĭ bơngai Juđa păng bơngai lăm pơlei Jêrusalem grong nhơ̆m hmoi kơ sư.

Bôk Bơthô 10:1

Minh pôm roi lôch pơm kơ đak 'bâu phu jing 'bâu ôm; wơnh 'bơm tŏ sĕt đĕch pơm ăn kơ anăn bơngai hơgei đe ưh pă ư-ang.

Êsai 22:16

Ih oei tơ âu pơm kiơ? Bu ăn kơ ih oei tơ âu? Mă ih mah sir anih pơm bơsat kơ ih tơ âu? Ih sir bŏk kơ ih minh anih tơ kơpal, sir bŏk anih ih lăm tơmo.

Je 34:5

Ih gô lôch lăm tơdrong hiôk-hian, đe gô soh kơ ih pơgang 'bâu phu kư̆m thoi đe soh boih kơ 'bok ih, lu pơtao adrol kơ ih; păng đe gô nhơ̆m hmoi kơ ih: Ơ yŏng inh hô̆ lah! Inh đei khan pơkă boih nơ̆r âu.” Noh Kră Yang khan.

Markôs 16:1

Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.

I Sam 31:12

Đĭ-đăng lu bơngai nuih pran iung năm kơmăng iŏk atâu akâu Sôl păng kon drŏ-nglo sư đơ̆ng dur pơlei Bêtsan, đơ̆ng noh lu sư wih brŏk tơ Jabes soh pơđĭ lu akâu Sôl păng pêng 'nu kon drŏ-nglo sư tơ noh,