II Ho 16:11 - Sơ̆p Hlabơar Nơ̆r 'Bok Kei-Dei

¹¹ Tơdrong jang Asa iŏk đơ̆ng blŭng-a truh tơ tôch đei chih răk lê̆ tơ lăm sơ̆p hla bơar lu pơtao đe Juđa păng bơngai Isơrael.

II Ho 16:11 ပူးပေါင်းရင်းမြစ်များ

II Ho 12:15

Dôm tơdrong jang Rêhôbôam pơm đơ̆ng blŭng-a truh tơ tôch đei chih lăm sơ̆p hla bơar Sêmaia bơngai khan lê̆ adrol păng Iđô bơngai roi lê̆ adrol chih, gah adrĕch 'bok sư Rêhôbôam păng Jêrôbôam tơblah băl hơnơ̆ng đĭ chăl bre sư pơgơ̆r.

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

II Ho 20:34

Dôm tơdrong jang nai Jêhôsaphat pơm đơ̆ng blŭng-a truh tơ tôch đei chih răk lăm sơ̆p hla bơar hơ'mon Jêhu, kon drŏ-nglo Hanani, tơdrong hơ'mon noh đei chih răk boih lăm sơ̆p hla bơar lu pơtao Isơrael.

II Ho 25:26

Lu tơdrong jang nai Amasia đei pơm iŏk đơ̆ng blŭng-a truh tơ tôch đe đei chih lăm sơ̆p hla bơar lu pơtao Juđa păng Isơrael?

II Ho 26:22

Dôm tơdrong jang nai pơtao Usia đơ̆ng blŭng-a truh tơ tôch đei Êsai 'bok khan lê̆ adrol kon drŏ-nglo Amôt chih răk.

II Ho 27:7

Dôm tơdrong jang nai mă Jôtham đei pơm, dôm tơdrong tơblah wang păng trong mă sư yak, chih răk pơđĭ tơ lăm sơ̆p hla bơar lu pơtao Isơrael păng pơtao Juđa.

II Ho 32:32

Dôm lu tơdrong jang nai Hesekia păng dôm lu tơdrong 'lơ̆ng sư pơm đei chih răk đĭ lăm sơ̆p hla bơar tơdrong tơ'bôh Êsai 'bok khan lê̆ adrol, kon drŏ-nglo Amôt păng kư̆m chih răk lăm Sơ̆p hla bơar lu pơtao Juđa păng pơtao Isơrael.

II Ho 34:18

Saphan bơngai chih hla bơar khan dơ̆ng kơ pơtao: “Hilkia 'bok soi tơm đei jao kơ inh sơ̆p hla bơar khôi juăt.” Saphan đŏk hloi 'bơ̆t anăp pơtao.

II Ho 35:27

Tơdrong jang sư đơ̆ng blŭng-a truh tơ tôch, đei chih răk boih tơ lăm sơ̆p hla bơar lu pơtao Isơrael păng pơtao Juđa.

II Ho 9:29

Đĭ-đăng tơdrong jang Sôlômôn pơm pơjing đơ̆ng blŭng truh tơ tôch đei chih tơ lăm sơ̆p hla bơar hơ'mon Nathan bơngai khan lê̆ adrol, lăm hla bơar Ahija bơngai khan lê̆ adrol, bơngai Silô, chih lăm sơ̆p hla bơar Iđô, 'bok mă đei khan lê̆ adrol gah tơdrong Jêrôbôam, kon drŏ-nglo Nêbat.