II Ho 15:4 - Sơ̆p Hlabơar Nơ̆r 'Bok Kei-Dei

⁴ Mă-lei mưh đei tơdrong gleh pơmat-tat truh lu sư wih tơ Kră Yang 'Bok Kei-Dei Isơrael păng krao chă Kră Yang na Sư ăn tơ'bơ̆p tơpă.

II Ho 15:4 ပူးပေါင်းရင်းမြစ်များ

II Ho 15:15

Đĭ kơ bơngai Juđa chơt hiôk dêh kơ nơ̆r pơkă pơkăm noh, yua kơ lu sư đĭ jơhngơ̆m pơkă păng đĭ jơhngơ̆m krao chă Kră Yang na Sư ăn tơ'bơ̆p păng ăn kơ lu sư rơnŭk rơnua hiôk-hian rim pah.

II Ho 15:2

Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 33:12

Kơplah sư đei tơdrong gleh truh pơmat-tat, na sư krao apinh Kră Yang 'Bok Kei-Dei sư păng tơjur akâu tơbral tơpă 'bơ̆t anăp Kră Yang 'Bok Kei-Dei lu 'bok sư.

Horiso 106:44

Mă-lei ră, mưh kơtơ̆ng nơ̆r lu sư krao apinh, Sư kư̆m lăng ba lu sư lăm năr pơmat-tat.

Êsai 51:1

Ơ lu bơngai kiơ̆ tơdrong 'lơ̆ng tơpăt, lu bơngai chă Kră Yang, mơ̆ng Inh bĕ! Lăng bĕ kơ tơmo mă đơ̆ng blah iŏk lu iĕm bơih păng sơlŭng tơmo mă đơ̆ng sir hơtŏk lu iĕm!

Êsai 55:6

Chă bĕ Kră Yang kơplah bơ̆n oei gơh tơ'bơ̆p; krao khan bĕ kơplah Sư oei jê̆!

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Sa 1:3

Thoi noh na ih khŏm roi kơ kon pơlei pơla thoi âu: Kră Yang Tih Hloh khan: ‘Wih tơ Inh bĕ, na Inh gô wih tơ lu iĕm dơ̆ng,’ Kră Yang Tih Hloh khan thoi noh.

Rom 10:20

Tơdrong noh Êsai kư̆m chih pơjăm lu bôl sư bơngai Isơrael, mă-lei sư ưh kơ hli, sư chih kiơ̆ kơ nơ̆r 'Bok Kei-Dei thoi âu: “Lu bơngai mă ưh kơ băt chă Inh sơ̆, dang ei lu sư 'bôh Inh boih păng kơnăl kơ Inh, yua kơ Inh wih tơbăt kơ lu sư akâu Inh dơ̆ng.”