II Ho 15:2 - Sơ̆p Hlabơar Nơ̆r 'Bok Kei-Dei

² Sư năm tơ'bơ̆p Asa păng khan: “Ơ Asa, păng đĭ bơngai Juđa hăm bơngai Bênjamin, mơ̆ng bĕ nơ̆r inh; lu iĕm oei hơdai hăm Kră Yang dang yơ, Kră Yang oei hơdai iĕm dang noh. Tơdah lu iĕm chă Sư lu iĕm gô tơ'bơ̆p, mă-lei tơdah lu iĕm achăng lê̆ Sư, na Sư kư̆m gô achăng lê̆ lu iĕm.

II Ho 15:2 ပူးပေါင်းရင်းမြစ်များ

I Pot 11:25

Rêson minh 'nu bơngai ayăt hăm lu bơngai Isơrael truh đĭ chăl pơtao Sôlômôn pơgơ̆r păng pơm dôm tơdrong kơnê̆ thoi Hađat đei pơm; sư pơgơ̆r dêh char Aram păng sư blah bơngai Isơrael.

I Pot 18:18

Êli tơl: “Inh ưh kơ pơrŭng ôh lu bơngai Isơrael, ih păng hnam 'bă ih pơrŭng lu bơngai Isơrael, yua kơ lu iĕm hŭt lê̆ tơdrong Kră Yang tơtă na lui kiơ̆ yang Baal.

II Pot 21:14

Inh gô achăng hŭt lê̆ lu bơngai mă oei arih mă khan lu sư gah Inh ră, păng Inh jao lu sư kơ lu ayăt, lu sư jing tơmam sa lu ayăt păng thoi tơmam đe iŏk đêl tơblah jei bơih.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 11:12

Tơ lăm rim pơlei sư đei tah đao hơlă, khêl wă pơm ăn kơ pơlei noh kơjăp tơpă, lei sư wei pơgơ̆r char Juđa hăm char Bênjamin.

II Ho 12:5

Sêmaia 'bok khan lê̆ adrol năm tơ Rêhôbôam păng lu bơngai pơgơ̆r char Juđa oei akŭm lăm pơlei Jêrusalem wă kơdâu ôn hli kơ Sisăk păng khan: Kră Yang khan thoi âu: “Lu iĕm achăng lê̆ Inh, lei na Inh kư̆m achăng lê̆ lu iĕm lăm ti Sisăk,”

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

II Ho 13:4

Abija sư dơ̆ng tơ kơpal Kông Sêmaraim lăm tơring kông groi Êphraim, na khan: “Ơ Jêrôbôam păng đĭ-đăng bơngai Isơrael mơ̆ng bĕ!

II Ho 15:15

Đĭ kơ bơngai Juđa chơt hiôk dêh kơ nơ̆r pơkă pơkăm noh, yua kơ lu sư đĭ jơhngơ̆m pơkă păng đĭ jơhngơ̆m krao chă Kră Yang na Sư ăn tơ'bơ̆p păng ăn kơ lu sư rơnŭk rơnua hiôk-hian rim pah.

II Ho 15:4

Mă-lei mưh đei tơdrong gleh pơmat-tat truh lu sư wih tơ Kră Yang 'Bok Kei-Dei Isơrael păng krao chă Kră Yang na Sư ăn tơ'bơ̆p tơpă.

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

II Ho 20:17

Lu iĕm huay kơ kăl kơ tơblah; săp bĕ, lu linh oei hreh tơ noh, na lăng tơdrong Kră Yang, Tơ'ngla oei hơdai iĕm gô dŏng pơklaih iĕm. Ơ bơngai Juđa păng kon pơlei Jêrusalem 'nĕ kơ hli 'nĕ kơ tơrơ. Dơning năm tơ'bơ̆p lu sư bĕ! Kră Yang oei hơdai iĕm.”

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

II Ho 24:20

Yang Bơhngol 'lơ̆ng đơ̆ng Kră Yang 'Bok Kei-Dei pơdrŭt Sachari, kon drŏ-nglo Jêhôiada 'bok soi, sư iung dơ̆ng 'bơ̆t anăp lu kon pơlei na khan: “Kră Yang 'Bok Kei-Dei khan thoi âu: ‘Yua kơ kiơ lu iĕm ưh kơ kiơ̆ nơ̆r Kră Yang tơtă? Thoi noh lu iĕm ưh kơ đei pŭn hiôk ôh. Yua kơ lu iĕm achăng lê̆ Kră Yang boih păng Sư kư̆m achăng lê̆ lu iĕm.’ ”

II Ho 26:5

Sư chă Kră Yang 'Bok Kei-Dei đĭ lăm chăl Sachari, bơngai bơtho sư băt hli yom kơ Kră Yang 'Bok Kei-Dei. Sư chă Kră Yang dang yơ Kră Yang 'Bok Kei-Dei ăn kơ sư đei hiôk jơnap dang noh.

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

II Ho 33:11

Na Kră Yang ăn kơ lu yŏng linh, pơtao Asiri năm wang rôp Manase, chô̆ sư hăm tơlei glang păng tôt muh sư, na chông ba tơ dêh char Babilôn.

II Ho 33:12

Kơplah sư đei tơdrong gleh truh pơmat-tat, na sư krao apinh Kră Yang 'Bok Kei-Dei sư păng tơjur akâu tơbral tơpă 'bơ̆t anăp Kră Yang 'Bok Kei-Dei lu 'bok sư.

II Ho 34:3

Sơnăm mă tơhngam lăm chăl sư pơgơ̆r, mă sư oei 'lơ̆p mơlôh, sư pơtơm chơchă Kră Yang 'Bok Kei-Dei Đawit, 'bok sư Sơnăm mă mơjĭt-'bar, sư pơtơm hơmet rơgoh lăm char Juđa păng pơlei Jêrusalem, hŭt lê̆ lu anih kơjung, gơ̆ng kơkuh kơ rup yang Asêria, rup yang đe traih păng rup đe hling tuh.

Esơra 8:22

Mă-lei inh, mơlâu, ưh kơ pơ̆n apinh pơtao ăn minh grŭp linh păng linh hao seh, dŏng tơgŭm lu bơ̆n đơ̆ng ayăt kơplah lu bơ̆n năm rok trong; yua kơ lu bơ̆n đei khan kơ pơtao thoi âu: Ti Kră Yang 'Bok Kei-Dei lu nhôn wei-lăng tơgŭm lu bơngai băt krao chă Sư; mă-lei tơdrong mơsêh păng tơdrong hil mĭl Sư blah lu bơngai bu mă blah Sư.

Horiso 34:4

Inh krao apinh boih Kră Yang, Sư tơl boih nơ̆r inh. Sư pơklaih inh đơ̆ng tơdrong hli hlơt.

Horiso 53:2

Kră Yang 'Bok Kei-Dei đơ̆ng kơpal plĕnh, nger lăng kon bơngai,a Wă lăng hăm đei bu gơh hơgei wă chă Kră Yang 'Bok Kei-Dei ưh.

Êsai 45:19

Inh ưh kơ đei pơma hăm lu iĕm lăm tơdrong hlơp ôh păng kư̆m ưh kơ pơma đơ̆ng lăm char măng mu, Inh ưh tam đei pơma kơ adrĕch adrung Jakôp khan: ‘Lu iĕm chă Inh tơdrong ưh kơ đei Inh jơ̆ Kră Yang pơma tơpăt, roi tơdrong trŏ sĭt.’

Êsai 51:1

Ơ lu bơngai kiơ̆ tơdrong 'lơ̆ng tơpăt, lu bơngai chă Kră Yang, mơ̆ng Inh bĕ! Lăng bĕ kơ tơmo mă đơ̆ng blah iŏk lu iĕm bơih păng sơlŭng tơmo mă đơ̆ng sir hơtŏk lu iĕm!

Êsai 7:13

Na Êsai khan: “Ơ hnam Đawit mơ̆ng bĕ! Lu iĕm khan pơm pơơh kơ đe noh jơ̆ tơdrong iĕ đĕch, na lu iĕm kư̆m 'maih pơm kơ Kră Yang 'Bok Kei-Dei inh ơh dơ̆ng mơ̆n hă?

Je 2:17

Hăm trŏ lu iĕm pŭ iŏk kơdih dôm tơdrong noh, yua kơ iĕm achăng Kră Yang 'Bok Kei-Dei iĕm kơplah Sư oei chông iĕm rok trong sơ̆?

Am 5:14

Chơchă bĕ tơdrong 'lơ̆ng păng 'nĕ pă chă tơdrong kơnê̆, wă kơ lu iĕm đei tơdrong arih, na Kră Yang 'Bok Kei-Dei Tih hloh gô oei hơdai iĕm, thoi iĕm đei hơpơi boih.

Sa 1:3

Thoi noh na ih khŏm roi kơ kon pơlei pơla thoi âu: Kră Yang Tih Hloh khan: ‘Wih tơ Inh bĕ, na Inh gô wih tơ lu iĕm dơ̆ng,’ Kră Yang Tih Hloh khan thoi noh.

Jo 14:42

'Nĕ tŏk tơ noh, kơnh hli kơ lu ayăt blah lu iĕm, yua kơ Kră Yang ưh pă oei hơdai iĕm boih.

Jo 14:43

To, kon pơlei Amalek păng kon pơlei Kanaan oei 'bơ̆t anăp iĕm, lu iĕm gô pơ̆k lôch kơ đao gưm đĭ, yua kơ lu iĕm blah Kră Yang boih, Kră Yang ưh kơ oei hơdai iĕm.

Mathiơ 13:9

Bu đei đon athei tơchĕng kơdih bĕ.”

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Both 31:17

Năr ei kơnh Inh gô hil blĕk; Inh gô achăng lê̆ lu sư, ôn muh măt Inh đơ̆ng lu sư păng lu sư gô jing tơmam sa kơ lu kon pơlei nai. Lu sư gô đei tơdrong răm-'băm pơmat-tat. Lăm năr noh lu sư gô jet: Hăm trŏ bơ̆n đei tơdrong răm pơmat-tat yua kơ Kră Yang 'Bok Kei-Dei bơ̆n ưh kơ oei hơdai bơ̆n dơ̆ng?

Both 4:29

Mă-lei đơ̆ng noh lu iĕm gô krao chă Kră Yang 'Bok Kei-Dei iĕm, layơ iĕm chă Kră Yang hăm đĭ jơhngơ̆m, đĭ tơdrong tơchĕng na gơh tơ'bơ̆p Sư.

Hêbrơ 10:38

Lu bơngai 'lơ̆ng tơpăt kiơ̆ Inh, lu sư gô đei tơdrong arih, yua kơ lu sư đei đon lui. Mă-lei dah bơngai bu lêl kơdŭn tơ rŏng kuă kơ kiơ̆ Inh khŏm khŏm, bơngai noh Inh ưh kơ lăp đon kơ sư ôh.”

Hêbrơ 12:25

Iĕm athei kơchăng, 'nĕ kơ sơngah kơ nơ̆r 'Bok Kei-Dei bơtho pơkă kơ iĕm. Tơ̆ng iĕm sơngah kuă kơ chu nơ̆r Sư pơma kơ iĕm, lei iĕm gô pŭ tơdrong phak thoi lu bơngai noh sơ̆ ưh kơ chu kơ nơ̆r Sư pơma kơ lu sư tơ ala teh âu, na 'Bok Kei-Dei phak lu sư. Na dang ei Sư pơma kơ bơ̆n đơ̆ng plĕnh, tơ̆ng bơ̆n sơngah kuă kơ chu kơ nơ̆r Sư, Sư wă phak lu bơ̆n tơpă.

Ya 4:8

Iĕm năm jê̆ 'Bok Kei-Dei na 'Bok Kei-Dei oei jê̆ iĕm. Ơ lu bơngai yoch, 'nĕ pă pơm dôm tơdrong yoch iĕm juăt kơ pơm. Ơ lu bơngai đon 'bar pah, 'nĕ pă tơchĕng dôm tơdrong kơnê̆.

Jôsuê 22:31

Thoi noh Phinêhas, kon drŏ-nglo 'bok soi Êlêasar, pơma khan hăm lu bơngai Rubên, bơngai Gat păng lu bơngai Manase: Năr âu lu bơ̆n băt boih Kră Yang oei hơdai hăm lu bơ̆n, yua kơ lu tơdrong lu iĕm ưh kơ pơm yoch hăm Kră Yang; dang ei lu iĕm pơklaih kon pơlei Isơrael đơ̆ng tơpang ti Kră Yang.

Jôsuê 24:20

Tơdah lu iĕm achăng lê̆ Kră Yang, na kơkuh kơ yang tơmoi, kơplah noh Sư gô wih pơlôch pơrăm pơgoh lu iĕm, đang kơ Sư pơm 'lơ̆ng boih kơ lu iĕm đei truh tơ năr 'nâu.”

Tơdrông Tơ'bôh 2:11

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh huay ăn kơ sư lôch mă 'bar.’ ”

Tơdrông Tơ'bôh 2:17

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh gô ăn kơ bơngai noh 'bĕng mana mă kon bơngai tơ ala teh ưh tam đei sa ôh păng Inh gô pôk anăn sư 'nao, anăn 'nao noh Inh chih tơ tơmo kok lat, na ăn kơ sư. Anăn noh lu đe nai ưh kơ băt ôh, pôm sư kơdih đĕch băt.’ ”

Tơdrông Tơ'bôh 2:29

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Tơdrông Tơ'bôh 3:13

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 3:22

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 3:6

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Lu 10:13

Mă-lei lu iĕm oei achăng lê̆ Inh, kơkuh kơ lu yang nai yua kơ noh na Inh ưh pă wă dŏng pơklaih lu iĕm dơ̆ng.

Lu 9:7

Jôtham kơtơ̆ng tơdrong noh na năm tŏk tơ kơpal kông Gêrasim ôr pơret khan: Ơ lu bơngai lăm pơlei Sichem, mơ̆ng bĕ inh, na Kră Yang 'Bok Kei-Dei gô mơ̆ng lu iĕm!

I Sam 12:14

Tơdah lu iĕm hli yom kơ Kră Yang, kơkuh kơ Sư, chu dôm nơ̆r Sư pơma, ưh pă kơchu hăm nơ̆r Sư tơtă athei; tơdah lu iĕm păng pơtao mă pơgơ̆r lu iĕm chu yom Kră Yang 'Bok Kei-Dei lu iĕm, lei tơpă iĕm gô đei tơdrong pŭn hiôk.

I Sam 12:15

Mă-lei tơdah lu iĕm ưh kơ chu kiơ̆ dôm nơ̆r Kră Yang, ưh kơ chu nơ̆r sư tơtă athei, na ti Kră Yang gô ăn kơ tơdrong răm rai kơ lu iĕm kư̆m thoi sư ăn kơ yă 'bok iĕm sơ̆.