II Ho 15:1 - Sơ̆p Hlabơar Nơ̆r 'Bok Kei-Dei

¹ Yang Bơhngol đơ̆ng Kră Yang 'Bok Kei-Dei tơbăt ăn kơ Asaria, kon drŏ-nglo Ôđet,

II Ho 15:1 ပူးပေါင်းရင်းမြစ်များ

II Sam 23:2

Yang Bơhngol 'Lơ̆ng Kră Yang yua inh pơma bơtho. Nơ̆r Sư lăm hơpiĕt inh.

II Ho 14:15

Kŭm đei blah tơgar iŏk lu anih wei sem dơrong, rôp ba triu păng lăk-đa lơ tơpă, đơ̆ng noh lu sư wih brŏk tơ pơlei Jêrusalem.

II Ho 20:14

Kơplah noh, Yang Bơhngol 'lơ̆ng Kră Yang jur mơ̆t lăm Jahasiêl, kon drŏ-nglo Sachari, sâu Bênaia, sâu i Jêiêl, sâu ach Matania, bơngai Lêwi adrĕch adrung Asap; sư dơ̆ng tŏk-bŏk lu bơngai tơpôl oei akŭm.

II Ho 24:20

Yang Bơhngol 'lơ̆ng đơ̆ng Kră Yang 'Bok Kei-Dei pơdrŭt Sachari, kon drŏ-nglo Jêhôiada 'bok soi, sư iung dơ̆ng 'bơ̆t anăp lu kon pơlei na khan: “Kră Yang 'Bok Kei-Dei khan thoi âu: ‘Yua kơ kiơ lu iĕm ưh kơ kiơ̆ nơ̆r Kră Yang tơtă? Thoi noh lu iĕm ưh kơ đei pŭn hiôk ôh. Yua kơ lu iĕm achăng lê̆ Kră Yang boih păng Sư kư̆m achăng lê̆ lu iĕm.’ ”

Jo 11:26

Đei 'bar 'nu oei lăm kơđông; minh 'nu anăn sư Eldat, minh noh dơ̆ng anăn sư Mêdat, na Yang Bơhngol mơ̆t oei lăm bre sư, bre sư pơtơm pơma khan lê̆ adrol lăm kơđông. 'Bar 'nu bre sư âu, lăm khŭl mă đe đei chih jô̆ anăn noh, mă-lei ưh kơ đei năm tơ Bơsŭn Anih Akŭm.

Jo 24:2

Balaam tơmang 'bôh adrĕch Isơrael pơm bơsŭn kiơ̆ kơ adrĕch păng Yang Bơhngol 'Bok Kei-Dei đei oei hơdai sư,

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.