II Ho 14:7 - Sơ̆p Hlabơar Nơ̆r 'Bok Kei-Dei

⁷ Sư khan kơ kon pơlei Juđa: “Bĕ bơ̆n pơdơ̆ng tơiung pơlei tih kơjăp, man dur tăp dăr, pơm hnam thôt gak, pơm 'măng jang, 'long chơkăl; char 'nâu oei dêh char bơ̆n, yua kơ lu bơ̆n chă Kră Yang 'Bok Kei-Dei lu bơ̆n; lu bơ̆n chă boih Sư, na Sư ăn kơ bơ̆n đei hiôk-hian tăp dăr.” Lu sư tơiung pơdơ̆ng pơlei keh păng arih sa jơnap.

II Ho 14:7 ပူးပေါင်းရင်းမြစ်များ

I Pot 15:23

Tơdrong jang nai mă Asa pơm păng tơdrong pơgơ̆r đei yua, dôm tơdrong sư đei pơm păng dôm lu pơlei sư đei tơiung pơjing đei chih răk lê̆ lăm sơ̆p hla bơar lu pơtao đe Juđa. Kơplah sư đĭ kră bơih, sư jĭ jơ̆ng.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

II Ho 14:4

Sư athei bơngai Juđa chă bĕ Kră Yang 'Bok Kei-Dei 'bok yă lu sư, kư̆m athei pơm kiơ̆ khôi juăt păng nơ̆r Kră Yang tơtă.

II Ho 14:6

Sư đei man pơjing lu pơlei kơjăp lăm char Juđa, yua kơ lăm dôm sơnăm sư pơgơ̆r dêh char sư đei hiôk-hian ưh kơ đei tơblah, Kră Yang ăn hiôk-hian kơ sư.

II Ho 15:15

Đĭ kơ bơngai Juđa chơt hiôk dêh kơ nơ̆r pơkă pơkăm noh, yua kơ lu sư đĭ jơhngơ̆m pơkă păng đĭ jơhngơ̆m krao chă Kră Yang na Sư ăn tơ'bơ̆p păng ăn kơ lu sư rơnŭk rơnua hiôk-hian rim pah.

II Ho 17:13

Sư đei mong mŭk tơmam lơ lăm char Juđa, sư đei lu linh nuih pran kơtang lăm pơlei tih Jêrusalem.

II Ho 17:17

Đơ̆ng adrĕch Bênjamin: Đei Êliađa minh 'nu linh nuih kơtang sư pơgơ̆r 'bar-hrĕng rơbâu 'nu linh chĕp hră hăm khêl hơdai hăm Sư,

II Ho 20:30

Thoi noh, dêh char pơtao Jêhôsaphat hiôk-hian rơnŭk rơnua, yua kơ Kră Yang 'Bok Kei-Dei ăn kơ sư pơdơh hiôk-hian puăn pah.

II Ho 25:5

Amasia krao akŭm đĭ lu bơngai Juđa kiơ̆ kơ adrĕch adrung 'bok sư lăm Juđa păng Bênjamin, na pơjao ăn pơm yŏng pơgơ̆r kơ minh-rơbâu 'nu, minh-hrĕng 'nu; jô̆ iŏk đơ̆ng 'bar-jĭt sơnăm tơ kơpơ̆ng, đei pêng-hrĕng rơbâu 'nu lu bơngai mă gơh năm tơblah, chĕp khêl hơlă.

II Ho 26:13

Lu sư pơgơ̆r khŭl linh đei pêng-hrĕng tơpơh-rơbâu pơđăm-hrĕng 'nu, lu bơngai nuih ngăl, wă tơgŭm pơtao tơblah hăm lu bơngai ayăt.

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

II Ho 8:5

Sư kư̆m pơm pơjing ming pơlei Bêt Hôron Kơpơ̆ng păng Bêt Hôrôn Ala, Pơm kơđông đei dur man kơjăp đei 'măng jang păng đei chơkăl;

Yo 9:4

“Dang ei oei 'năr, na bơ̆n athei jang tơdrong 'Bă Inh mă wơh Inh. Dah 'năr mơ̆t boih, ưh kơ đei bu gơh jang dơ̆ng.

Jang 9:31

Yua kơ Sôl lui boih na lu bơngai lui kơ Yêsu oei jơ̆p-jang dêh Juđê păng dêh Galilê, dêh Samri hiôk-hian huay pă đei tơdrong truh tơ lu sư. Lu sư kư̆m rai đunh rai pran. Lu sư lui tơpă kơ Kră Yang păng Yang Bơhngol 'Lơ̆ng tơgŭm lu sư ling-lang, na lu sư rai đunh rai lơ.

Jôsuê 23:1

Đunh tơpă đơ̆ng rŏng kơ Kră Yang ăn kơ lu bơngai Isơrael pơdơh hiôk-hian lu ayăt tăp dăr ưh pă đei tơblah păng Jôsuê đĭ kră, arih sot sơnăm đĭ lơ boih.

I Pet 3:12

Yua kơ 'Bok Kei-Dei wei-lăng lu bơngai 'lơ̆ng ling-lang, păng mơ̆ng tơdrong lu sư krao khan; gah lu bơngai pơm kơnê̆, 'Bok Kei-Dei hil dêh.”