II Ho 14:14 - Sơ̆p Hlabơar Nơ̆r 'Bok Kei-Dei

¹⁴ Linh Juđa kư̆m đei blah lu pơlei tăp dăr kơ pơlei tih Gêrar, yua kơ đei tơdrong hli krưp dêh đơ̆ng Kră Yang pơm kơ lu pơlei tih noh; păng lu linh Asa blah iŏk đĭ mŭk tơmam đơ̆ng pơlei noh, yua kơ tơ lăm pơlei noh đei mŭk tơmam lơ dêh.

II Ho 14:14 ပူးပေါင်းရင်းမြစ်များ

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

I Pot 15:23

Tơdrong jang nai mă Asa pơm păng tơdrong pơgơ̆r đei yua, dôm tơdrong sư đei pơm păng dôm lu pơlei sư đei tơiung pơjing đei chih răk lê̆ lăm sơ̆p hla bơar lu pơtao đe Juđa. Kơplah sư đĭ kră bơih, sư jĭ jơ̆ng.

II Pot 7:16

Đơ̆ng noh kon pơlei pơla lĕch đơ̆ng lăm pơlei tơkan iŏk tơmam đơ̆ng lăm kơđông linh đe Aram. Đei tơpŭng minh hnŏng iĕ, tĕch đei minh sêikơl jên hu păng 'ba 'bar hnŏng iĕ, kư̆m tĕch minh sêikơl jên hu mơ̆n, thoi nơ̆r Kră Yang đei khan bơih.

II Ho 14:15

Kŭm đei blah tơgar iŏk lu anih wei sem dơrong, rôp ba triu păng lăk-đa lơ tơpă, đơ̆ng noh lu sư wih brŏk tơ pơlei Jêrusalem.

II Ho 17:10

Kră Yang ăn kơ đĭ-đăng dêh char tăp dăr kơ dêh char Juđa hli kơ Kră Yang, pơm kơ lu sư ưh kơ pơ̆n tơblah hăm Jêhôsaphat.

II Ho 20:25

Jêhôsaphat păng lu kon pơlei sư năm wă iŏk tơmam, 'bôh đei tơmam păng akâu bơngai lôch lơ tơpă păng đei tơmam gĭt lơ tơpă dônh iŏk mah pă kĕ đĭ; lu sư dônh mah pêng năr, yua kơ tơmam lơ tơpă.

II Ho 20:29

Wă lu kon pơlei pơla kơtơ̆ng kơ tơdrong Kră Yang blah pơrăm lu ayăt kơ bơngai Isơrael, na lu sư hli tơpă kơ Kră Yang 'Bok Kei-Dei.

Jop 15:21

Sư kơtơ̆ng nơ̆r ôr hli ling-lang lăm đon; kơplah oei hiôk-hian, lu bơngai chă pơlôch pơrăm truh.

Horiso 68:12

“Lu pơtao lu wei linh kơdâu ôn, lu sư kơdâu ôn đĭ; Lu drŏ-kăn oei tơ lăm hnam asong băl tơmam đêl lu sư blah iŏk.

Êsai 31:9

Tơmo mă sư gơnang gô hiong đĭ, yua kơ tơdrong hli tơrơ, lu yŏng linh gô hli tơrơ, kơdâu achăng tŭk lăp lu sư 'bôh.” Tơ'ngla Kră Yang thoi ŭnh tơ kông Siôn, ŭnh bơmur tơ Jêrusalem. Kră Yang khan thoi noh.

Êsai 33:23

Tơlei lu ayăt chô̆ lu iĕm tơlang lê̆ bơih, ưh pă chô̆ tơ jrăng păng ưh pă dăng che duk noh dơ̆ng. Kơplah noh đe gô klah asong băl lơ lu tơmam đêl blah tơgar iŏk, mă lu bơngai jopo kư̆m gô đei iŏk tơmam đêl blah tơgar noh mơ̆n.

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

Both 2:25

Năr âu Inh gô pơm ăn kơ lu kon pơlei pơla mă oei lăm kơpal teh âu gô hli păng krưp dêh đei kơtơ̆ng roi gah iĕm, lu kon pơlei noh gô tơtơ̆ păng hli krưp dêh kơ iĕm.

Jôsuê 2:24

Bre sư roi ăn kơ Jôsuê: “Tơpă boih, Kră Yang jao ăn pơlei noh lăm ti lu bơ̆n, đĭ-đăng kon pơlei lăm tơring noh hli tơrơ dêh kơ lu bơ̆n.”

Jôsuê 5:1

Kơplah pơtao đe Amôrit gah bơmơ̆t kơ đak Krong Jôrđăn păng đĭ-đăng lu pơtao đe Kanaan, oei jê̆ đak dơsĭ 'nao kơtơ̆ng khan Kră Yang đei pơm kơ Krong Jôrđăn hrơ̆ hrĕng, 'bơ̆t anăp lu kon pơlei Isơrael, dĭng mă lu sư yak tŏk hlôi kơ đak krong, na jơhngơ̆m lu pơtao hli tơtơ̆, mah pă pơ̆n tơ'bơ̆p hăm lu kon pơlei Isơrael.

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

I Sam 14:15

Đĭ-đăng linh lăm kơđông dah tơ 'nguaih hli tơrơ ngăl. Linh lăm lu kơđông nai păng lu bơngai chă blah tơgar iŏk kư̆m hli tơrơ; đei teh tơdrŏ, noh rai pơm kơ đe hli tơrơ noh đơ̆ng Kră Yang 'Bok Kei-Dei.