II Ho 14:13 - Sơ̆p Hlabơar Nơ̆r 'Bok Kei-Dei

¹³ Asa păng lu linh kiơ̆ sư, druh lu linh Êthiôpi truh tơ Gêrar; linh Êthiôpi lôch lơ tơpă, ưh pă đei bu arih, lu sư thuơ 'bơ̆t anăp Kră Yang hăm lu linh Sư. Lu bơngai blah iŏk đei lơ tơmam.

II Ho 14:13 ပူးပေါင်းရင်းမြစ်များ

Bl 10:1

Âu, adrĕch adrung Sem, Cham păng Japhet, pêng 'nu kon drŏ-nglo Nôê đơ̆ng rŏng kơ đak lơ̆p sư pơjing kon sâu.a

Bl 10:19

Gah tơring adrĕch adrung Kanaan lu sư năm tơ gah Gêrar, iŏk đơ̆ng Siđôn truh tơ Gasa păng kư̆m truh tơ Sôđôm, Gômôrơ, Atma păng Yibotim truh hloi tơ Lêsa.

Bl 20:1

Abraham yak đơ̆ng noh truh tơ gah gơal, oei tơ tơring Nêgeo oei sơlam char Kêdê păng Sur. Đơ̆ng noh sư oei tơ tơring Gêrar.

Bl 26:1

Sơ̆ đei pơngot lăm chăl arih Abraham, dang ei lăm tơring sư đei dơ̆ng pơngot rơwĕt. Isăk năm tơ Gêrar, char Abimêlek, pơtao đe Philistin.

Bl 35:5

Đơ̆ng noh lu sư pơtơm yak, Kră Yang 'Bok Kei-Dei pơm ăn kơ rim pơlei tăp dăr kơ noh đei tơdrong hli krưp, na lu đe huay kơ druh lu đe Jakôp.

I Ho 12:22

Rim năr đei bơngai năm kiơ̆ păng tơgŭm Đawit truh tơ sư đei lu linh lơ tih, nhen thoi linh Kră Yang 'Bok Kei-Dei.

II Ho 12:3

chĕp ba minh-rơbâu 'bar-hrĕng gre aseh păng tơdrâu-jĭt rơbâu 'nu linh hao aseh; kư̆m đei lu linh đơ̆ng char Libia, Sukki păng char Êthiôpi tŏk hơdai đơ̆ng Êyiptơ, lơ tơpă.

II Ho 14:14

Linh Juđa kư̆m đei blah lu pơlei tăp dăr kơ pơlei tih Gêrar, yua kơ đei tơdrong hli krưp dêh đơ̆ng Kră Yang pơm kơ lu pơlei tih noh; păng lu linh Asa blah iŏk đĭ mŭk tơmam đơ̆ng pơlei noh, yua kơ tơ lăm pơlei noh đei mŭk tơmam lơ dêh.

II Ho 15:11

Lăm năr noh lu sư iŏk tơpơh-hrĕng tŏ rơmo tơno păng tơpơh-rơbâu tŏ triu hăm bơbe, lu kon sem dơrong mă đơ̆ng lu sư blah iŏk, pơyơ̆r pơm tơmam soi bơnê kơ Kră Yang.

II Ho 17:10

Kră Yang ăn kơ đĭ-đăng dêh char tăp dăr kơ dêh char Juđa hli kơ Kră Yang, pơm kơ lu sư ưh kơ pơ̆n tơblah hăm Jêhôsaphat.

II Ho 20:29

Wă lu kon pơlei pơla kơtơ̆ng kơ tơdrong Kră Yang blah pơrăm lu ayăt kơ bơngai Isơrael, na lu sư hli tơpă kơ Kră Yang 'Bok Kei-Dei.

Jop 6:9

Kuă kơ kiơ Kră Yang lăp đon pơjuă bơhlơ̆r inh. Rŏ kơ Sư yua ti Sư chơ̆ng kơtĕch lê̆ chăl arih inh.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 108:11

Ơ Kră Yang 'Bok Kei-Dei hăm trŏ kơ Ih jơ̆ Tơ'ngla mă achăng lê̆ lu nhôn? Ơ Kră Yang 'Bok Kei-Dei, Ih ưh pă đei năm tơblah hơdai hăm linh lu nhôn dơ̆ng.

II Tes 1:9

Đơ̆ng rŏng kơ sek tơlang, 'Bok Kei-Dei wă phak lu sư ling-lang. Lu sư ưh kơ layơ gơh oei hơdai hăm Kră Yang Yêsu Krist ôh păng lu sư ưh kơ layơ gơh 'bôh Kră Yang Yêsu Krist mă 'lơ̆ng rŏ mơsêh mơyang tơpă.

Jôsuê 5:14

Sư tơl: Ưh, Inh Yŏng Linh Kră Yang. Jôsuê drap tơ teh kŭp kơ̆l kơkuh: Jet “Kră Yang athei đĭch đam Ih 'nâu pơm kiơ?”

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.