II Ho 14:11 - Sơ̆p Hlabơar Nơ̆r 'Bok Kei-Dei

¹¹ Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

II Ho 14:11 ပူးပေါင်းရင်းမြစ်များ

I Pot 8:44

“Mưh lu kon pơlei đĭch đam ih tơblah hăm lu ayăt, kiơ̆ kơ đơ̆ng Ih wơh; mưh sư krao khan hơdrĭ hăm anăn ih; sư tơwih gah pơlei âu pơlei mă Ih rơih bơih, sư tơkan tơ hnam akŭm mă đơ̆ng inh pơm,

I Ho 5:20

Lăm kơplah tơblah băl, lu sư krao apinh Kră Yang 'Bok Kei-Dei, na Kră Yang 'Bok Kei-Dei tơgŭm lu sư tơblah hăm kon pơlei Hagrit păng đĭ-đăng lu bơngai kiơ̆ sư jei lu sư yua kơ lu sư đei jơhngơ̆m đon lui gơnang kơ Kră Yang.

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

II Ho 13:14

Wă lu linh Juđa 'bôh đei lu linh ayăt tơ gah anăp păng tơ gah rŏng, na lu sư ôr krao Kră Yang. Lu 'bok soi hlôm keng.

II Ho 13:15

Lu bơngai Juđa jreo năm tơ anăp tơblah. Kơplah lu kon pơlei Juđa jreo năm tơblah, Kră Yang 'Bok Kei-Dei blah pơrăm Jêrôbôam păng đĭ-đăng linh Isơrael 'bơ̆t anăp pơtao Abija păng bơngai Juđa.

II Ho 13:18

Thoi noh, kơplah noh, lu linh Isơrael thuơ răm, jei lu linh păng kon pơlei Juđa, yua kơ lu sư gơnang kơ Kră Yang 'Bok Kei-Dei yă 'bok lu sư.

II Ho 14:10

Asa năm sơng tơ'bơ̆p sư, săp linh năm tơblah tơ lăm thŭng Sêphatha jê̆ pơlei Marêsa.

II Ho 16:7

Kơplah noh Hanani bơngai khan lê̆ adrol năm tơ Asa pơtao đe Juđa na khan kơ sư: “Yua kơ ih gơnang dêh kơ pơtao Siri, ưh kơ gơnang kơ Kră Yang 'Bok Kei-Dei ih ôh, na lu linh pơtao Siri kơdâu klaih boih đơ̆ng ti ih.

II Ho 18:31

Wă lu yŏng linh hao gre aseh 'bôh Jêhôsaphat, na khan: “Noh boih pơtao Isơrael.” Na lu sư dăr wă blah sư. Jêhôsaphat krao ôr, Kră Yang dŏng pơklaih sư păng Kră Yang ăn kơ lu đe noh weh ataih đơ̆ng sư.

II Ho 20:12

Ơ Kră Yang 'Bok Kei-Dei lu nhôn, lei Ih ưh kơ phak lu sư hă? Tơpă, lu nhôn ưh pă đei jơhngơ̆m pran wă blah hăm lu linh lơ kơdrâ̆m noh mă oei wă wang blah lu nhôn păng lu nhôn kư̆m đĭ pă băt wă pơm liơ; mă-lei măt lu nhôn lăng chang gô Ih đĕch.”

II Ho 20:32

Sư yak pơm kiơ̆ trong 'bă sư Asa, sư ưh kơ weh yak trong nai ôh; sư pơm 'lơ̆ng trŏ 'bơ̆t anăp Kră Yang.

II Ho 25:8

Dah ih kiơ̆ trong 'nâu mă tơblah pran kơtang Kră Yang 'Bok Kei-Dei gô ăn kơ ih thuơ 'bơ̆t anăp lu ayăt kơ ih yua kơ Kră Yang 'Bok Kei-Dei gơh tơgŭm kĕ jei, kư̆m gơh ăn thuơ.”

II Ho 26:7

Kră Yang 'Bok Kei-Dei tơgŭm sư kĕ jei blah lu kon pơlei Philistin, bơngai Arâp oei tơ lăm pơlei Gur Baal, klaih kơ noh lu bơngai Mêunit.

II Ho 32:20

Pơtao Hesekia păng Êsai 'bok khan lê̆ adrol kon drŏ-nglo Amôt, krao khan kơ tơdrong 'nâu, krao khan ôr tŏk truh tơ plĕnh.

II Ho 32:8

Oei hăm lu sư noh kon bơngai hmă đĕch; bĕ gah bơ̆n đei Kră Yang 'Bok Kei-Dei lu bơ̆n wă tơgŭm păng tơblah tang lu bơ̆n.” Kon pơlei đei jơhngơ̆m nuih đơ̆ng nơ̆r Hesekia pơtao Juđa.

Horiso 120:1

Lăm năr đei tơdrong pơmat-tat inh krao apinh Kră Yang. Na Sư tơl tơwih nơ̆r inh.

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.

Horiso 20:5

Lu nhôn chơt hiôk yua kơ ăn jei pơtao,a Apinh hăm anăn Kră Yang 'Bok Kei-Dei lu nhôn, yơ̆r kơjung hla-kơ lu nhôn. Apinh Kră Yang pơm keh dôm tơdrong pơtao hơpơi.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Horiso 20:8

Lu đe noh kơdŭn pơ̆k hraih đang, Gah lu nhôn iung păng dơ̆ng tơpăt hloi.

Horiso 22:5

Lu sư krao apinh Ih, na Ih dŏng pơklaih lu sư. Lu sư gơnang kơ Ih huay kơ mơlâu.

Horiso 22:6

Mă-lei inh nhen thoi hơdrông ưh kơ trŏ kon bơngai. Inh jing tơmam pơm kơ kon bơngai pơjăm, Păng tơmam pơm ăn kơ kon pơlei hiĕk ăr.

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Horiso 37:5

Jao bĕ trong bơ̆n kơ Kră Yang. Păng gơnang kơ Sư. Na Sư gô pơkeh tơdrong noh,

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 9:19

Ơ Kră Yang iung bĕ. 'Nĕ ăn jei kon bơngai ôh, Sek tơlang bĕ kơ đĭ kon bơngai 'bơ̆t anăp Ih

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Le 14:10

Wă lăp 'bôh Pharaôn păng lu linh dêh Êyiptơ druh wă tam đơ̆ng rŏng lu sư, na lu kon pơlei Isơrael hli dêh krao ôr apinh Kră Yang.

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsai 10:20

Lăm năr noh, dôm lu bơngai Isơrael mă oei oei. Dôm lu bơngai lăm adrĕch Jakôp oei klaih, gô ưh pă gơnang kơ bơngai mă pơrăm lu sư. Mă-lei gô gơnang sĭt kơ Kră Yang, Tơ'ngla 'Lơ̆ng Rơgoh Isơrael.

Êsai 2:22

'Nĕ gơnang kơ kon bơngai; mă dui jơhngơ̆m hăm trôm muh, lu sư ưh kơ yua kiơ?

Êsai 26:13

Ơ Kră Yang, 'Bok Kei-Dei lu nhôn, 'nguaih kơ Ih kư̆m đei lu yŏng nai pơgơ̆r lu nhôn, Mă-lei lu nhôn gơnang kơ minh anăn Ih đĕch.

Je 1:19

Lu sư gô tơblah hăm ih; mă-lei lu sư ưh kơ kĕ kơ ih ôh, yua kơ Inh oei hơdai ih, dŏng pơklaih ih, Kră Yang khan.a

Lêwi 26:8

Pơđăm 'nu lăm lu iĕm gô druh minh-hrĕng 'nu, minh-hrĕng lăm lu iĕm gô druh mơjĭt-rơbâu 'nu, đơ̆ng noh lu ayăt kơ iĕm gô pơ̆k lôch kơ đao hơlă 'bơ̆t anăp iĕm.

Am 5:9

Noh boih Kră Yang Tơ'ngla mă pơm kơ lu bơngai pran kơtang 'bôh 'băi lôch răm hloi, tơdrong pơrăm dĭng mah truh tơ lăm kơđông.

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Yo 14:1

Yêsu oei pơma kơ lu sư thoi âu: “Na dang ei iĕm athei chơ̆n jơhngơ̆m iĕm 'nĕ kơ hli tơdrong kiơ. Iĕm adrin lui kơ 'Bok Kei-Dei păng lui kơ Inh.

Yo 14:27

“Inh wă tơklah đơ̆ng iĕm na Inh ăn kơ iĕm jơhngơ̆m hiôk. Jơhngơ̆m Inh hiôk dang yơ, Inh ăn kơ iĕm hiôk dang noh mơ̆n. Inh ăn kơ iĕm hiôk ưh kơ thoi lu bơngai ala teh ăn kơ iĕm hiôk ôh. Iĕm 'nĕ sơ'ngon păng 'nĕ kơ hli.

Jang 2:21

Thoi noh bu mă krao khan kơ Kră Yang, sư gơh klaih đơ̆ng tơdrong răm.’ ”

Jang 3:16

Yua kơ Yêsu, bơngai âu jing pran dơ̆ng. Iĕm băt boih kơ bơngai hơwen hơwo âu đơ̆ng sơ̆. Yua kơ nhôn gơnang kơ Yêsu tơpă na bơngai hơwen hơwo âu gơh klaih. Dang ei iĕm 'bôh sư klaih boih.

Jang 9:4

Sư huŏng hơtat hloi đơ̆ng kơdŭ aseh. Na Sôl sư kơtơ̆ng nơ̆r pơma kơ sư khan thoi âu: “Ơ Sôl, Inh pơm kiơ kơ ih, na ih pơm kơnê̆ kơ Inh?”

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Both 32:27

Mă-lei hli kơ lu bơngai ayăt noh pơjăm, Păng lu bơngai ayăt hlôh hơwơ̆l khan: Đơ̆ng tơpang ti lu nhôn mă đei jơnei tih Kră Yang ưh kơ pơm kiơ lăm tơdrong noh!

Both 32:30

Tơdah Kră Yang Tơmo Tih ưh kơ đei tĕch lu sư, kư̆m ưh kơ jao lu sư kơ lu bơngai ayăt, pơm liơ lăp minh 'nu đĕch gơh druh puh lê̆ minh-rơbâu 'Bar 'nu gơh druh mơjĭt-rơbâu 'nu kơdâu?

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Lu 7:7

Kră Yang khan dơ̆ng kơ Giđêôn: Inh gô yua pêng-hrĕng 'nu bơngai mă nhă chhŏng hăm tơpang ti noh wă dŏng pơklaih lu iĕm, Inh wă jao kon pơlei Miđian lăm tơpang ti lu iĕm. Lu kon pơlei nai, ăn kơ lu sư brŏk tơ hnam.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.