II Ho 13:8 - Sơ̆p Hlabơar Nơ̆r 'Bok Kei-Dei

⁸ Na dang ei lu iĕm tơchĕng khan kĕ mơ̆n hă tơblah hăm char mă Kră Yang đei jao ăn boih kơ lu kon Đawit? Mă khan lu iĕm đei linh lơ chĕp ba rup man rơmo hăm maih mă Jêrôbôam đei man pơm yang iĕm.

II Ho 13:8 ပူးပေါင်းရင်းမြစ်များ

I Pot 12:28

Thoi noh pơtao pơđâu athei đe pơm 'bar tŏ rup rơmo păng maih, pơtao khan kơ kon pơlei pơla: “Lu iĕm tŏk năm chă kiơ tơ pơlei Jêrusalem ataih dêh! Ơ lu bơngai Isơrael 'nâu bơih yang lu iĕm, mă chông tơlĕch lu iĕm đơ̆ng char Êyiptơ.”

I Pot 12:29

Sư dan minh pôm rup yang lăm pơlei Bethel, minh pôm rup nai sư dan lăm pơlei Đan.

I Pot 14:9

Ih pơm kơnê̆ dêh hloh kơ đĭ-đăng lu bơngai adrol kơ ih, pơm kơdih yang plơ̆ng man lu rup yang, wă kơ Inh hil păng hŭt lê̆ Inh tơ rŏng.

II Ho 11:15

Jêrôbôam chă pôk pơjing lu 'bok soi sư kơdih tơ lu anih kơjung, kơ lu rup yang sư man noh bơbe tơno păng kon rơmo

II Ho 20:12

Ơ Kră Yang 'Bok Kei-Dei lu nhôn, lei Ih ưh kơ phak lu sư hă? Tơpă, lu nhôn ưh pă đei jơhngơ̆m pran wă blah hăm lu linh lơ kơdrâ̆m noh mă oei wă wang blah lu nhôn păng lu nhôn kư̆m đĭ pă băt wă pơm liơ; mă-lei măt lu nhôn lăng chang gô Ih đĕch.”

II Ho 20:6

Sư krao khan: “Ơ Kră Yang 'Bok Kei-Dei 'bok lu nhôn Ih hăm Kră Yang 'Bok Kei-Dei oei kơpal plĕnh? Ih boih Kră Yang 'Bok Kei-Dei wei pơgơ̆r đĭ kon bơngai păng đĭ kơ teh đak Lăm tơpang ti Ih đei tơdrong mơsêh pran kơtang ưh kơ đei bu kĕ tơblah hăm Ih.

II Ho 9:8

Trŏ bơnê ư-ang tơpă kơ Kră Yang 'Bok Kei-Dei ih, Sư lăp đon kơ ih, ăn kơ ih pơm pơtao hơ-oei 'bơ̆t tang-dŏ pơtao Sư wă pơm pơtao ăn kơ Kră Yang 'Bok Kei-Dei ih! Yua kơ Kră Yang 'Bok Kei-Dei ih 'mêm kơ bơngai Isơrael, wă pơm ăn kơ lu sư kơjăp ling-lang, lei na ăn kơ ih pơm pơtao lu sư wă pơm tơdrong 'lơ̆ng păng tơdrong tơpăt.

Horiso 33:16

Pơtao mă gơh klaih ưh kơ sĭ. Yua kơ Linh sư lơ. Bơngai mă pran kơtang kư̆m ưh kơ klaih hlôi đơ̆ng pran kơtang sư noh.

Luka 19:14

Đe băt kơ sư năm boih na lu tơring tơrang hil areh kơ sư, đe ưh kơ wă kơ sư pơm pơtao kơ lu sư; na lu sư wơh đe pơtruh kơ 'bok pơtao tơm, lu tơring tơrang ưh kơ wă kơ bơngai noh pơm pơtao lu sư.

Luka 19:27

Gah lu bơngai mă ayăt kơ inh, ưh kơ wă kơ inh pơm pơtao pơgơ̆r lu sư, iĕm dui anhăk lu sư tơ âu, pơlôch lu sư 'bơ̆t anăp inh.’ ”